திருச்செந்தூர் வெயிலுகந்தம்மன் கோயிலில் மாசித் திருவிழா கொடியேற்றம்!

திருச்செந்தூர்: திருச்செந்தூர் அருள்மிகு சுப்பிரமணிய சுவாமி திருக்கோயிலுடன் இணைந்த அருள்தரும் வெயிலுகந்தம்மன் திருக்கோயிலில் மாசித் திருவிழா திங்கள்கிழமை காலை கொடியேற்றத்துடன் தொடங்கியது.

கொடியேற்றத்தை முன்னிட்டு கோயில் அதிகாலை நடைதிறக்கப்பட்டு, அம்மனுக்கு சிறப்பு அபிஷேகம், அலங்காரம் நடைபெற்றது. தொடர்ந்து  காலை 5.18 மணிக்கு கொடிமரத்தில் காப்பு கட்டிய ச.பாலசுப்பிரமணியன் வல்லவராயர் திருவிழாக் கொடியினை ஏற்றினார். 

இதையும் படிக்க | குஜராத்: வதோதரா மாநகராட்சியில் வளா்ப்பு நாய்களுக்கான வரி குறைப்பு

அதன்பின்னர் கொடிமரத்திற்கு சிறப்பு அபிஷேகம், அலங்காரமாகி மகாதீபாராதனை நடைபெற்றது.

திருவிழா ஏற்பாடுகளை திருக்கோயில் அறங்காவலர் குழுத் தலைவர் இரா.அருள்முருகன், இணை ஆணையர் மு.கார்த்திக் மற்றும் திருக்கோயில் பணியாளர்கள் செய்துள்ளளனர்.

கொடியேற்று நிகழ்ச்சியில் திரளான பக்தர்கள் கலந்து கொண்டனர்.