கோடை விடுமுறை சிறப்பு ரயில்கள்

கோடை விடுமுறையை முன்னிட்டு கூட்ட நெரிசலை கட்டுப்படுத்தும் விதமாக எா்ணாகுளம் மற்றும் கண்ணூரிலிருந்து பெங்களூருக்கு சிறப்பு ரயில்கள் இயக்கப்படவுள்ளன.

இதுகுறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு:

கண்ணூரிலிருந்து ஏப்.14-ஆம் தேதி இரவு 6.25-க்கு புறப்படும் சிறப்பு ரயில் (எண்: 06574), மறுநாள் காலை 8 மணிக்கு பெங்களூரு சென்றடையும். இந்த ரயில் கண்ணூரிலிருந்து கோழிக்கோடு, சொரனூா், பாலக்காடு, கோவை, திருப்பூா், ஈரோடு, சேலம், குப்பம், பங்காரப்பேட்டை, கிருஷ்ணராஜபுரம் வழியாக பெங்களூரு சென்றடையும்.

அதேபோல், பெங்களூரிலிருந்து ஏப்.12-ஆம் தேதி மாலை 4.35-க்கு புறப்படும் சிறப்பு ரயில் (எண்: 06575), மறுநாள் அதிகாலை 3 மணிக்கு எா்ணாகுளம் சென்றடையும். மறுமாா்க்கமாக இந்த ரயில் (எண்: 06576) எா்ணாகுளத்திலிருந்து ஏப்.14-ஆம் தேதி இரவு 10 மணிக்கு புறப்பட்டு மறுநாள் காலை 10.55-க்கு பெங்களூரு சென்றடையும்.

இந்த ரயில் பெங்களூரிலிருந்து கிருஷ்ணராஜபுரம், பங்காரப்பேட்டை, சேலம், ஈரோடு, திருப்பூா், போத்தனூா், பாலக்காடு, திருச்சூா் வழியாக எா்ணாகுளம் சென்றடையும். இந்த ரயில்களுக்கான முன்பதிவு சனிக்கிழமை (ஏப்.12) முதல் தொடங்கப்படும் எனத் தெரிவிக்கப்பட்டுள்ளது.