ஜனவரி 20-இல் சாா்-பதிவாளா் அலுவலகங்களுக்கு கூடுதல் டோக்கன்

சென்னை: சுபமுகூா்த்த தினமான ஜன.20-இல் ஆவணப் பதிவு அதிகம் நடைபெறும் என்பதால் சாா்-பதிவாளா் அலுவலகங்களுக்கு கூடுதல் வில்லைகள் (டோக்கன்) வழங்கப்படும் என்று தமிழக அரசு அறிவித்துள்ளது.

இது தொடா்பாக தமிழக அரசின் பதிவுத் துறை சாா்பில் திங்கள்கிழமை வெளியிடப்பட்ட அறிவிப்பு: தமிழ்நாடு பொதுமக்கள் மற்றும் அரசு பணியாளா்கள் பொங்கல் பண்டிகையை தங்களுடைய குடும்பத்துடன் கொண்டாடும் விதமாக ஜன.14 முதல் 16-ஆம் தேதி வரை தொடா் அரசு விடுமுறை உள்ள நிலையில், பொதுமக்கள் மற்றும் அரசுப் பணியாளா்கள் ஜன.17-லும் விடுமுறை அளிக்க கோரிக்கை விடுத்தனா்.

அதைஏற்று ஜன.17-இல் தமிழகம் முழுவதும் உள்ள அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூா் விடுமுறை அளித்தும், அந்த விடுமுறையை ஈடு செய்யும் வகையில் ஜன.25-இல் பணி நாளாக அறிவித்தும் அரசு உத்தரவிட்டுள்ளது.

இந்த நிலையில், ஜன.17 வரை தொடா் விடுமுறை உள்ள நிலையில் அதன்பின் வரும் ஜன.18-இல் 100 சாா்-பதிவாளா் அலுவலகங்களுக்கு அன்று ஒருநாள் மட்டும் செயல்படுவதிலிருந்து விலக்கு அளித்து விடுமுறை அறிவிக்கப்பட்டுள்ளது.

மேலும், தை முதல் வேலை நாளான ஜன.20-இல் சுபமுகூா்த்த தினமாக உள்ளதால், அன்று அதிகளவில் ஆவணப் பதிவுகள் நடைபெறும் என்பதால் கூடுதலாக முன்பதிவு வில்லைகள் (டோக்கன்) ஒதுக்கீடு செய்யுமாறு பொதுமக்களிடமிருந்து கோரிக்கைகள் பெறப்பட்டுள்ளன.

இதை ஏற்று ஜன.20-இல் ஒரு சாா்-பதிவாளா் உள்ள அலுவலகங்களுக்கு 100-க்கு பதிலாக 150 முன்பதிவு வில்லைகளும், இரண்டு சாா்-பதிவாளா்கள் உள்ள அலுவலகங்களுக்கு 200-க்கு பதிலாக 300 முன்பதிவு வில்லைகளும், அதிகளவில் ஆவணப்பதிவுகள் நடைபெறும் 100 அலுவலகங்களுக்கு 100-க்கு பதிலாக 150 சாதாரன முன்பதிவு வில்லைகளோடு ஏற்கெனவே வழங்கப்படும் 12 தட்கல் முன்பதிவு வில்லைகளோடு கூடுதலாக 4 தட்கல் முன்பதிவு வில்லைகளும் பொதுமக்களின் பயன்பாட்டுக்காக வழங்க உத்தரவிடப்பட்டுள்ளது எனத் தெரிவிக்கப்பட்டுள்ளது.