சுரண்டையில் சமத்துவப் பொங்கல் விழா

தென்காசி மாவட்ட காங்கிரஸ் கட்சி சாா்பில் சமத்துவப் பொங்கல் விழா சுரண்டை சட்டப்பேரவை உறுப்பினா் அலுவலகத்தில் செவ்வாய்க்கிழமை நடைபெற்றது.

விழாவிற்கு தென்காசி மாவட்ட காங்கிரஸ் தலைவா் எஸ்.பழனி நாடாா் எம்எல்ஏ தலைமை வகித்து, நலத்திட்ட உதவிகளை வழங்கினாா். மாவட்ட பொருளாளா் முரளி ராஜா, நகா்மன்றத் தலைவா் வள்ளி முருகன், செங்கோட்டை முன்னாள் ஊராட்சி ஒன்றியக்குழு தலைவா் சட்டநாதன் ஆகியோா் முன்னிலை வகித்தனா்.

இதில் மாவட்ட நிா்வாகிகள் சண்முகவேல், குற்றாலம் பெருமாள், குத்தாலிங்கம், கதிரவன், முப்புடாதி பாண்டியன், பழனி குமாா், பால்துரை, வட்டார தலைவா்கள் கணேசன், முருகையா, மகளிா் அணி நிா்வாகிகள் பூமாதேவி, ஜெயராணி வள்ளி முருகன், மகாலட்சுமி ஆகியோா் கலந்து கொண்டனா். நகர காங்கிரஸ் தலைவா் ஜெயபால் வரவேற்றாா்.