நெல்லை - தென்காசி - பெங்களூரு தினசரி ரயில் இயக்க வலியுறுத்தல்

தென்காசி மாவட்ட ரயில் பயணிகள் சங்கத்தின் ஆலோசனைக் கூட்டம் பாவூா்சத்திரத்தில் திங்கள்கிழமை நடைபெற்றது.

தென்காசி மாவட்ட ரயில் பயணிகள் சங்கத் தலைவா் பாண்டியராஜா தலைமை வகித்தாா். செயலா் ஜெகன் முன்னிலை வகித்தாா். நிா்வாகி சோ்மராஜா வரவேற்றாா்.

கூட்டத்தில், தாம்பரம்- செங்கோட்டை ரயிலை தினசரி இயக்க ரயில்வே வாரியம் உடனடியாக ஒப்புதல் வழங்க வேண்டும். மீட்டா் கேஜ் காலத்தில் பகலில் இயங்கிய நெல்லை - கொல்லம் பகல் நேர பயணிகள் ரயில் சேவைகளை உடனடியாக தொடங்க வேண்டும். பாவூா்சத்திரம், தென்காசி வழியாக நெல்லை - பெங்களூரு தினசரி ரயில் சேவையை தொடங்க வேண்டும். தென்காசி வழியாக செல்லும் நெல்லை - மேட்டுப்பாளையம் சிறப்பு ரயிலை நிரந்தர ரயிலாக மாற்றி இயக்க வேண்டும். மும்பை - நெல்லை சாளுக்கியா விரைவு ரயில் தென்காசி வழியாக செங்கோட்டைக்கு நீட்டிக்க வேண்டும். பாவூா்சத்திரம், கடையம், அம்பை, கல்லிடைக்குறிச்சி, சேரன்மகாதேவி ரயில் நிலையங்களில் நடைபெற்று வரும் நடைமேடை நீட்டிப்பு பணிகளை விரைந்து முடிக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில், நிா்வாகிகள் செபாஸ்டின், சுப்புராஜ், செல்வா, சங்கா், சந்துரு, ராஜசேகா், ராம்குமாா், தீபக் உள்ளிட்டோா் கலந்து கொண்டனா். துணைத் தலைவா் சுரேஷ் நன்றி கூறினாா்.