இன்ஸ்டாகிராமில் வந்தது புதிய அம்சம்: அடடே ஆறு!

இன்ஸ்டாகிராம் செயலியில் லேஅவுட் அம்சம் மூலம் ஒரே நேரத்தில் பல்வேறு புகைப்படங்களைப் பதிவேற்றலாம். இது நீண்ட நாட்களாகவே இருந்து வருகிறது. ஆனால், அவை இன்ஸ்டாகிராம் பதிவுகளில் மட்டுமே சாத்தியமாக இருந்து வந்தது. இன்ஸ்டாகிராம் ஸ்டோரிஸ்ஸில் இதற்கான அம்சங்கள் ஏதும் இல்லை.

இந்நிலையில், ஸ்டோரிஸ்ஸிலும் பல்வேறு புகைப்படங்களை ஒரே நேரத்தில் பதிவேற்றுவதற்கான அம்சத்தை இன்ஸ்டாகிராம் அறிமுகப்படுத்தியுள்ளது. இன்ஸ்டாகிராம் பதிவுகளில் இருந்த லேஅவுட் அம்சத்தை தற்போது ஸ்டோரிஸ்ஸிலும் அந்தச் செயலி அறிமுகப்படுத்தியுள்ளது. 

இதன்மூலம், பயனாளர்கள் தற்போது இன்ஸ்டாகிராம் ஸ்டோரிஸ்ஸிலும் ஒன்றுக்கும் மேற்பட்ட புகைப்படங்களை ஒரே சமயத்தில் பதிவேற்றம் செய்யலாம். இதற்கு, இன்ஸ்டாகிராம் செயலியில் உள்ள இன்ஸ்டா ஸ்டோரிஸ் கேமிராவில் லேஅவுட் அம்சத்தைப் பயன்படுத்த வேண்டும். இதையடுத்து அதில் புகைப்படங்களை ஒன்றிணைக்க வேண்டும். இதன்பிறகு, வழக்கம்போல் அதை வெளியிட வேண்டும்.

இந்த அம்சத்துடன் கூடிய புதுப்பிக்கப்பட்ட இன்ஸ்டாகிராம் செயலி தற்போது நடைமுறைக்கு வந்துவிட்டது. எனவே, இந்த வார இறுதியில் இது அனைத்துப் பயனாளர்களுக்கும் கிடைக்கும்.