3டி கிளாஸுடன் கூடிய ஸ்மார்ட் வாட்சை ஓப்போ நிறுவனம் அறிமுகம் செய்துள்ளது.
சீன ஸ்மார்ட்போன் தயாரிப்பு நிறுவனமான ஓப்போ தனது புதிய ஸ்மார்ட் வாட்சை ஃபைண்ட் எக்ஸ் 2 ஃபிளாக்ஷிப் ஸ்மார்ட்போனுடன் அடுத்த மாதம் அறிமுகம் செய்யும் என்று எதிர்பார்க்கப்படுகிறது.
ஸ்மார்ட் வாட்சில் வளைந்த 3டி கண்ணாடி இடம்பெறும் என்று நிறுவனத்தின் துணைத் தலைவர் பிரையன் ஷென் உறுதிப்படுத்தியுள்ளார்.
முன்னதாக, ஷென் ஆப்பிள் வாட்ச் போன்று காணப்படும் ஓப்போ வாட்சின் அதிகாரப்பூர்வ படத்தைப் பகிர்ந்துள்ளார். சதுர வடிவில் பார்ப்பதற்கு அழகாக காணப்படும் இந்த ஸ்மார்ட் வாட்ச் நவீன தொழில்நுட்பத்தில் வடிவமைக்கப்பட்டுள்ளது. தங்கம் மற்றும் கருப்பு நிறத்தில் வரும். ஸ்மார்ட் வாட்ச் வலது பக்கத்தில் இரண்டு பொத்தான்கள் இருக்கும்.
புதிதாக, 3டி கிளாஸுடன் அறிமுகமாகும் இந்த ஸ்மார்ட் வாட்ச் இளம் தலைமுறையினரை பெரிதும் கவரும் என்று எதிர்பார்க்கப்படுகிறது.