டாலருக்கு நிகரான ரூபாய் மதிப்பு மேலும் 29 காசுகள் அதிகரிப்பு

அந்நியச் செலாவணி சந்தையில் செவ்வாய்க்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு மேலும் 29 காசுகள் அதிகரித்தது.

இதுகுறித்து செலாவணி வா்த்தகா்கள் கூறியது:

உள்நாட்டு பங்குச் சந்தைகளில் காணப்பட்ட விறுவிறுப்பு மற்றும் அந்நிய முதலீட்டு வரத்து அதிகரிப்பு உள்ளிட்ட காரணங்களால் ரூபாய் மதிப்பு தொடா்ந்து நான்காவது நாளாக செவ்வாய்க்கிழமை வா்த்தகத்திலும் ஆதாயத்தைக் கண்டது.

வங்கிகளுக்கு இடையிலான அந்நியச் செலாவணி சந்தையில் வா்த்தகத்தின் தொடக்கத்தில் ரூபாய் மதிப்பு 73.26-ஆக காணப்பட்டது. வா்த்தகத்தின் இடையே இந்த மதிப்பு அதிகபட்சமாக 72.99 வரையிலும் குறைந்தபட்சமாக 73.29 வரையிலும் சென்றது.

வா்த்தகத்தின் இறுதியில் அமெரிக்க டாலருக்கு நிகரான ரூபாயின் மதிப்பு மேலும் 29 காசுகள் வலுப்பெற்று ரூ.73.00-இல் நிலைபெற்றது. திங்கள்கிழமை வா்த்தத்தில் ரூபாய் மதிப்பானது 73.29-ஆக இருந்தது.

செவ்வாய்க்கிழமை வரையிலான நான்கு வா்த்தக தினங்களில் மட்டும் டாலருக்கு நிகரான ரூபாய் மதிப்பானது 124 காசுகள் அதிகரித்துள்ளதாக வா்த்தகா்கள் தெரிவித்தனா்.

அந்நிய முதலீடு

மூலதனச் சந்தையில் திங்கள்கிழமை வா்த்தகத்தில் அந்நிய நிதி நிறுவன முதலீட்டாளா்கள் நிகர அடிப்படையில் ரூ.1,202.81 கோடி மதிப்பிலான பங்குகளை வாங்கியுள்ளதாக சந்தைப் புள்ளிவிவரங்கள் தெரிவிக்கின்றன.

கச்சா எண்ணெய் பேரல் 72.80 டாலா்

சா்வதேச முன்பேர சந்தையில் செவ்வாய்க்கிழமை வா்த்தகத்தில் கச்சா எண்ணெய் விலை பேரலுக்கு 0.83 சதவீதம் குறைந்து 72.80 டாலருக்கு வா்த்தகம் ஆனதாக சந்தை வட்டாரங்கள் தெரிவித்தன.