சென்னை: சென்னையில் தங்கம் விலை புதன்கிழமை காலை நிலவரப்படி சவரனுக்கு ரூ.560 அதிகரித்து விற்பனையாகி வருகிறது.
ஒரே வாரத்தில் தங்கத்தின் விலை ரூ.2,000-க்கும் மேல் அதிகரித்துள்ளது மக்களிடையே அதிர்ச்சியை ஏற்படுத்தியுள்ளது.
செவ்வாய்க்கிழமை நிலவரப்படி தங்கம் ஒரு கிராம் ரூ.6430-க்கும், ஒரு சவரன் ரூ. 51,440-க்கும் விற்பனை செய்யப்பட்டது.
இந்த நிலையில், இன்று காலை புதிய உச்சமாக ஒரு கிராம் தங்கம் ரூ.70 அதிகரித்து ரூ.6,500-க்கும், ஒரு சவரன் ரூ. 52,000-க்கு விற்பனையாகிறது.
செய்கூலி, சேதாரம் மற்றும் ஜி.எஸ்.டி. உள்ளிட்டவையுடன் சேர்த்து ஒரு சவரன் தங்கம் தற்போது ரூ.54,000-க்கும் மேல் விற்பனையாகிறது.
அதேபோல், வெள்ளியின் விலை ஒரு கிராமுக்கு ரூ. 2 அதிகரித்து ரூ.84-க்கும் ஒரு கிலோ ரூ.84,000-க்கும் விற்பனை செய்யப்படுகிறது.