தங்கம் விலை அதிரடி உயர்வு: இன்றைய நிலவரம்

சென்னையில் ஆபரணத் தங்கத்தின் விலை ஒரு சவரன் ரூ.54,360-க்கு வியாழக்கிழமை விற்பனை செய்யப்பட்டு வருகின்றது.

அட்சய திருதியை முன்னிட்டு கடந்த வாரம் ஒரே நாளில் ரூ.1,240 அதிகரித்து ஒரு சவரன் ரூ.54,160-க்கு விற்பனையானது. அதனைத் தொடர்ந்து சிறிது குறைந்தாலும், கடந்த இரண்டு நாள்களாக மீண்டும் ஏற்றத்தை கண்டு வருகின்றது.

புதன்கிழமை நிலவரப்படி, ஒரு சவரன் தங்கம் ரூ.53,800-க்கு விற்கப்பட்ட நிலையில், இன்று காலை ரூ.560 உயர்ந்து ரூ.54,360-க்கு விற்பனை செய்யப்பட்டு வருகின்றது.

ஒரு கிராம் தங்கம் ரூ.70 உயர்ந்து ரூ.6,795-க்கு விற்பனை செய்யப்படுகிறது.

மேலும், வெள்ளியின் விலை கிராமுக்கு ரூ. 1.50 உயர்ந்து ரூ.91.50-க்கும், ஒரு கிலோ ரூ.91,500-க்கும் விற்பனை செய்யப்பட்டு வருகின்றது.