ஹூண்டாய் விற்பனை 2% உயா்வு

புது தில்லி: ஹூண்டாய் மோட்டாா் இந்தியாவின் மொத்த விற்பனை கடந்த அக்டோபா் மாதத்தில் 2 சதவீதம் உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த அக்டோபா் மாதத்தில் நிறுவனத்தின் மொத்த விற்பனை 70,078-ஆக உள்ளது. முந்தைய 2023-ஆம் ஆண்டின் அதே மாதத்தில் இந்த எண்ணிக்கை 68,728-ஆக இருந்தது. அதனுடன் ஒப்பிடுகையில் தற்போது நிறுவனத்தின் மொத்த விற்பனை 2 சதவீதம் அதிகரித்துள்ளது.

மதிப்பீட்டு மாதத்தில் நிறுவனத்தின் உள்நாட்டு மொத்த விற்பனை 55,128-லிருந்து சற்று அதிகரித்து 55,568-ஆக உள்ளது. ஏற்றுமதி 13,600-லிருந்து 6.7 சதவீதம் அதிகரித்து 14,510-ஆக உள்ளது என்று அந்த அறிக்கையில் குறிப்பிடப்பட்டுள்ளது.