மும்பை: ஜெர்மனியை சேர்ந்த சொகுசு கார் தயாரிப்பு நிறுவனமான பிஎம்டபிள்யூ குழுமமான பிஎம்டபிள்யூ மற்றும் மினி கார்களின் விற்பனை 10 சதவிகிதம் அதிகரித்துள்ளதாக தெரிவித்துள்ளது.
2024 ஆம் ஆண்டு ஜனவரி முதல் செப்டம்பர் வரையிலான காலகட்டத்தில் மொத்தம் 10,556 கார்களை விற்பனை செய்து சாதனை படைத்துள்ளது.
2023ஆம் ஆண்டு 9 மாதங்களில் பிஎம்டபிள்யூ மற்றும் மினி கார்களின் விற்பனை எண்ணிக்கையானது 9,580 யூனிட்களாக இருந்தது.
இது தவிர 5,638 மோட்டோராட் பிராண்டு மோட்டார்சைக்கிள்களையும் விற்பனை செய்துள்ளதாக குழுமம் தெரிவித்துள்ளது.
பிஎம்டபிள்யூ குழுமமானது பிஎம்டபிள்யூ, மினி மற்றும் மோட்டோராட் ஆகிய மூன்று பிராண்டுகளை கொண்டுள்ளது.
10,556 யூனிட்களில், 10,056 பிஎம்டபிள்யூ யூனிட் கார்களையும், மீதமுள்ள 500 மினி பிராண்ட் கார்களை விற்பனை செய்ததாக குழுமம் மேலும் தெரிவித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.