தி மிஸ்ஸிங் லிங் நிறுவனத்தை கையகப்படுத்திய இன்போசிஸ்!

புதுதில்லி: ஆஸ்திரேலிய சைபர் செக்யூரிட்டி சேவை நிறுவனமான, 'தி மிஸ்ஸிங் லிங்'-கை சுமார் ரூ.532 கோடி ஒப்பந்தம் மூலம் கையகப்படுத்தியுள்ளதாக இன்போசிஸ் இன்று தெரிவித்துள்ளது.

அதன் துணை நிறுவனமான இன்போசிஸ் சிங்கப்பூர் பிரைவேட் லிமிடெட் மூலம் இந்த நிறுவனத்தை கையகப்படுத்தியுள்ளதாக தெரிவித்துள்ளது இன்போசிஸ்.

இந்த கையகப்படுத்தல் மூலம் இன்போசிஸின் சைபர் பாதுகாப்பு திறன் மேலும் வலுப்படும். அதே நேரத்தில் வேகமாக வளர்ந்து வரும் ஆஸ்திரேலிய சந்தையில் அதன் இருப்பை அதிகரிக்க செய்யும். இதன் மூலம் உலகளாவிய வாடிக்கையாளர்கள் அவர்களின் டிஜிட்டல் பயணத்தை வழிநடத்துவதற்கான உறுதிப்பாட்டை இது மீண்டும் உறுதிப்படுத்தியுள்ளது.

1997ல் நிறுவப்பட்ட தி மிஸ்ஸிங் லிங்க், சைபர் செக்யூரிட்டி மற்றும் கிளவுட் சேவைகள் வழங்குவதில் நிபுணத்துவம் வாய்ந்தது.

இதையும் படிக்க: டாலருக்கு நிகரான ரூபாயின் மதிப்பு 1 காசு உயர்ந்து ரூ.84.53 ஆக முடிவு!