டாலருக்கு நிகரான ரூபாய் மதிப்பு இன்று சமமாக முடிவு!

மும்பை: கச்சா எண்ணெய் விலை உயர்வு மற்றும் உள்நாட்டு பங்குச் சந்தைகளில் எதிர்மறையான போக்கு காரணமாக இன்றைய நிலையற்ற வர்த்தகத்தில் ரூபாய் மதிப்பு சமமாக முடிந்தது.

ஏப்ரல் மாதத்திற்கான தொழில்துறை உற்பத்தி எண்கள் விரைவில் வெளியிடப்படும் என்றும், அதே நேரத்தில் நிதியாண்டு 2026 முதல் காலாண்டிற்கான மொத்த உள்நாட்டு உற்பத்தி வளர்ச்சி புள்ளிவிவரங்கள் நாளை மறுநாள் அறிவிக்கப்பட உள்ள நிலையில், உள்நாட்டு மேக்ரோ பொருளாதார தரவுகளிலிருந்து வரும் குறிப்புகளுக்காக முதலீட்டாளர்கள் காத்திருந்ததாகவும் அந்நிய செலாவணி வர்த்தகர்கள் தெரிவித்துள்ளனர்.

வங்கிகளுக்கு இடையேயான அந்நிய செலாவணி சந்தையில், இந்திய ரூபாய் 85.59 ஆக தொடங்கி வர்த்தகமான நிலையில், பிறகு அதிகபட்சமாக ரூ.85.33 ஆகவும், குறைந்தபட்சமாக ரூ.85.72 ஐ தொட்ட நிலையில், முடிவில் ரூ.85.40-ஆக முடிந்தது.

நேற்று (செவ்வாய்க்கிழமை) டாலருக்கு நிகரான இந்திய ரூபாய் மதிப்பு 30 காசுகள் குறைந்து ரூ.85.40 ஆக முடிவடைந்தது.

இதையும் படிக்க: எஃப்எம்சிஜி, ஆட்டோ பங்குகள் சரிவால் சென்செக்ஸ், நிஃப்டி சரிவுடன் முடிவு!