பட்டியலிட்ட முதல் நாளிலேயே ஷிப்ராக்கெட் பங்குகள் 48% உயர்வு!

புதுதில்லி: மின்னணு வர்த்தகச் சேவை நிறுவனமான ஷிப்ராக்கெட் லிமிடெட் நிறுவனத்தின் பங்குகள், இன்றைய வர்த்தகத்தில், அதன் வெளியீட்டு விலையான ரூ. 97 ஐ விட சுமார் 48% உயர்ந்து வர்த்தகத்தை நிறைவு செய்தது.

ஷிப்ராக்கெட் பங்குகள், மும்பை பங்குச் சந்தையில் அதன் வெளியீட்டு விலையை விட 33.50% உயர்ந்து ரூ. 129.50 க்கு வர்த்தகத்தைத் தொடங்கியது. இறுதியில், அதன் வெளியீட்டு விலையிலிருந்து 47.93 சதவீதம் உயர்ந்து ரூ. 143.50 ஆக நிறைவடைந்தது.

நிஃப்டி-யில் இந்த பங்கு 35% உயர்ந்து ரூ. 131 க்கு வர்த்தகத்தைத் தொடங்கிய நிலையில் 47.88 சதவீதம் உயர்ந்து ரூ. 143.45 ஆக வர்த்தகத்தை நிறைவு செய்தது.

நிறுவனத்தின் சந்தை மதிப்பு ரூ. 10,440.74 கோடியாக இருப்பதாக நிறுவனம் தெரிவித்தது. கடந்த வாரம் வெள்ளிக்கிழமையன்று நடைபெற்ற ஐபிஓ-விற்கான கடைசி நாளில், ஷிப்ராக்கெட் ஐபிஓ 99.38 மடங்கு சந்தா பெறப்பட்டதாக நிறுவனம் தெரிவித்தது.

ரூ. 1,617.5 கோடி மதிப்பிலான இந்த ஐபிஓ, பங்கு ஒன்றுக்கு ரூ. 92 முதல் ரூ. 97 வரை நிர்ணயிக்கப்பட்டது குறிப்பிடத்தக்கது.