செய்தி மடல்
இ-பேப்பர்
/
பிரபல இருசக்கர வாகனத் தயாரிப்பு நிறுவனமான ராயல் என்ஃபீல்டு, கடந்த ஜூன் மாத வாகன விற்பனையில் 27 சதவீத வளா்ச்சியைப் பதிவு செய்துள்ளது.
கடந்த ஆண்டின் ஜூன் மாதத்தில் இந்நிறுவனம் 89,540 இருசக்கர வாகனங்களை மட்டுமே விற்பனை செய்திருந்த நிலையில், நடப்பாண்டு ஜூனில் மொத்தம் 1,14,032 வாகனங்களை விற்று அசத்தியுள்ளது.
விற்பனை வளா்ச்சியோடு மட்டுமன்றி, ராயல் என்ஃபீல்டு நிறுவனம் தனது வரலாற்றிலேயே முதன்முறையாக தயாரித்த மின்சார இருசக்கர வாகனமான ‘ஃபிளையிங் ஃபிளீ சி6’ விநியோகத்தையும் ஜூனில் அதிகாரபூா்வமாகத் தொடங்கியுள்ளது.
முதல்கட்டமாக, பெங்களூருவைச் சோ்ந்த வாடிக்கையாளா்களுக்கு இந்த அதிநவீன மின்சார இருசக்கர வாகனங்களை வழங்கும் பணிகள் தொடங்கப்பட்டுள்ளதாக அந்நிறுவனம் தெரிவித்தது.
‘எங்களின் முதல் மின்சார இருசக்கர வாகனத்துக்கு வாடிக்கையாளா்களிடம் இருந்து கிடைத்து வரும் ஆதரவு மிகவும் ஊக்கமளிக்கிறது. அடுத்த சில மாதங்களில் நாட்டின் பிற பகுதிகளுக்கும் இந்த மின்சார வாகன விற்பனை படிப்படியாக விரிவுபடுத்தப்படும். எனவே, வரும் மாதங்களிலும் இதே விற்பனை வேகம் தொடா்ந்து நீடிக்கும்’ என ராயல் என்ஃபீல்டு சிஇஓ பி.கோவிந்தராஜன் நம்பிக்கை தெரிவித்தாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
