ஸ்ரீ ராம நவமியை முன்னிட்டு நாளை பங்குச் சந்தைக்கு விடுமுறை அறிவிப்பு!

நாடு முழுவதும் நாளை (மார்ச் 26) ஸ்ரீ ராம நவமியை கொண்டாடும் நிலையில், பங்குச் சந்தைக்கு விடுமுறை அறிவிக்கப்பட்டுள்ளது.

தேசிய பங்குச் சந்தை மற்றும் மும்பை பங்குச் சந்தை வெளியிட்ட பங்குச் சந்தை விடுமுறை நாட்காட்டியின் அடிப்படையில், ஸ்ரீ ராம நவமியை முன்னிட்டு மார்ச் 26ஆம் தேதி பொது விடுமுறையாக அறிவிக்கப்பட்டுள்ளது.

அதே வேளையில், அடுத்த வாரமும் ஸ்ரீ மகாவீர் ஜெயந்தி மற்றும் புனித வெள்ளியை முன்னிட்டு முறையே மார்ச் 31 மற்றும் ஏப்ரல் 3 ஆகிய தேதிகளில் பங்குச் சந்தைக்கு விடுமுறை அளிக்கப்பட்டுள்ளது.