பிரிஞ்சி இலையின் மகத்துவம்

தலைமுடியின் ஆரோக்கியத்துக்கும், அழகுக்கும் பயன்படுத்தப்படுகிறது. இதில் இருக்கும் வைட்டமின் ஏ, சி, பொட்டாசியம், சோடியம், துத்தநாகம், இரும்புச்சத்து ஆகியன இளமையாக வைத்திருக்கவும் உதவுகிறது.

செரிமானத்தைச் சீராக்கி, செரிமான பிரச்னை வராமல் தடுக்கும். அதிலும், பிரிஞ்சி இலையை டீயில் சேர்த்து கொதிக்க வைத்து குடித்தால், மலச்சிக்கல், குடலியக்கப் பிரச்னைகள் குணமாகும்.

டைப் 2 நீரிழிவுக்கு நல்லது. ரத்த சர்க்கரை அளவை சீராகப் பராமரித்து இதயத்தின் செயல்பாட்டை சீராக வைத்துக் கொள்ள உதவும். எனவே, நீரிழிவு நோயாளிகள் இதனை உணவில் சேர்த்து வருவது நல்லது.

தொடர்ந்து பிரிஞ்சி இலையை சாப்பிட்டு வந்தால் முடி கொட்டுவதும் நிற்கும்.  இலையை நீரில் நன்கு வேக வைத்து,  ஆறியதும் தலையைக் கழுவினால் முடி உதிர்வது நிற்கும்.

இலையை நீரில் போட்டு கொதிக்க வைத்து அதை சருமத்தில் எரிச்சல் உள்ளவர்கள் கழுவினால் எரிச்சல் போகும். 

இலையில் உள்ள ஆண்டி பாக்டீரியாக்கள் கிருமி தாக்கத்தில் இருந்தும் காக்கும். பிரியாணி இலையை கொதிக்க வைத்த நீருடன் எலுமிச்சைச் சாறு சேர்த்து, தலையில் தேய்த்து வந்தால் பிரச்னை தீரும்.

சிறுநீரகப் பிரச்னைகள், சிறுநீரகக் கற்களைப் போக்க பிரிஞ்சி இலை பெரிதும் உதவியாக இருக்கும். அதற்கு இலையை நீரில்போட்டு காய்ச்சி அதனை தினமும் ஒரு டம்ளர் குடித்து வர வேண்டும்.