பானகம்

தேவையான பொருள்கள்:

புளி - 150 கிராம் (அ) எலுமிச்சைப்

பழம் - 3

வெல்லம் - 250 கிராம்

சுக்குப்பொடி -  கால் தேக்கரண்டி

ஏலக்காய்த்தூள்  - ஒரு சிட்டிகை

பச்சைக் கற்பூரம் (விரும்பினால்) - சிறிதளவு

தண்ணீர் - தேவையான அளவு

உப்பு - ஒரு சிட்டிகை

செய்முறை:

புளியைத் தண்ணீரில் ஊறவைத்துக் கரைத்து, வடிகட்டவும். அல்லது எலுமிச்சைச் சாறெடுத்து, தண்ணீர் சேர்த்துக் கலந்து கொள்ளவும். வெல்லத்தை நன்கு பொடிக்கவும். அதனுடன் வடிகட்டிய புளித் தண்ணீருடன்/எலுமிச்சைச்சாற்றுடன்  சேர்த்து வெல்லம் நன்கு கரையும் வரை கலக்கவும். பிறகு அதில் சுக்குப்பொடி,  உப்பு, ஏலக்காய்த்தூள் சேர்த்துக் கலக்கவும். கோயிலுக்குக் கொடுப்பது என்றால் பச்சைக் கற்பூரம் கலந்தால் சிறப்பு.