அரைக்கீரை அல்வா

தேவையான பொருள்கள்:

அரைக்கீரை - மூன்று கைப்பிடி அளவு (நன்கு ஆய்ந்தது)

கோதுமை மாவு - கால் கிலோ

வெல்லம் - அரை கிலோ

நெய் - 50 கிராம்

முந்திரிப் பருப்பு - 10

ஏலக்காய்த் தூள் - கொஞ்சம்

செய்முறை:

கீரையைப் பொடியாக நறுக்கி தண்ணீரில் இட்டு நன்கு கழுவி, மிக்ஸியில் போட்டு நன்கு அரைக்கவும். அடிகனமுள்ள பாத்திரத்தில் வெல்லத்தைப் பொடித்து இட்டு, போதிய அளவு தண்ணீர் சேர்த்து பாகு காய்ச்சவும். பாகு பாதி பதம் வந்ததும், கோதுமை மாவு, நன்கு அரைத்த கீரை விழுது சேர்த்து நன்கு கலந்து வேகவிடவும். இடைஇடையே நெய் ஊற்றி கைவிடாமல் கிளறி கொடுக்கவும். கலவை நன்கு வெந்ததும், நெய்யில் வறுத்த முந்திரிப் பருப்பு, ஏலக்காய்த் தூள் சேர்த்து இறக்கவும். தட்டில் பரவலாக வைத்து நன்கு ஆறினதும் விரும்பும் அளவில் துண்டுகள் போடவும். அரைக்கீரை அல்வா தயார்.

-ஆர்.ராதிகா, விக்கிரமசிங்கபுரம்.