மேக்ரோனி கீர்

தேவையான பொருள்கள்:

மேக்ரோனி -ஒரு கிண்ணம்

சர்க்கரை - 2 கிண்ணம்

பால்- ஒரு லிட்டர்,

முந்திரி, திராட்சை- தேவையான அளவு

ஏலக்காய்த் தூள் - கால் தேக்கரண்டி

நெய்- 2 மேசைக்கரண்டி

செய்முறை:

மேக்ரோனியை கழுவி வைக்கவும். முந்திரி, திராட்சையை நெய்யில் வறுக்கவும். பாலைக் காய்ச்சி, கொதி வரும்போது கழுவி வைத்துள்ள மேக்ரோனியை சேர்த்து வேகவிடவும். வெந்ததும் சர்க்கரை சேர்க்கவும். நன்கு சேர்ந்து வரும்போது முந்திரி, திராட்சை, ஏலக்காய்த்தூள் சேர்த்துக் கிளறி இறக்கவும். இதை சூடாகவோ, குளிர வைத்தோ பரிமாறலாம்.