சந்தை

 சந்தை கூடும் இடத்தினிலே
 சப்தம் மிகுந்தே கேட்கிறது!
 வந்தும், போயும் பெருங்கூட்டம்
 வாயில் நிரம்பி வழிகிறது!
 
 விலையைக் கூறி விற்போரும்
 விலையைக் குறைத்தே கேட்போரும்
 பலத்த ஓசை சந்தைக்குள்
 பலவித பொருட்கள் வரிசையிலே!
 
 காய்கறிக் கடைகள் ஒருவரிசை!
 கனிகள் நிறைந்த ஒருவரிசை!
 பாய்கள், முறங்கள் ஒருவரிசை!
 பாத்திரக் கடைகள் ஒருவரிசை!
 
 புஞ்சைத் தானியம் ஒருவரிசை!
 பொம்மைக் கடைகள் ஒருவரிசை!
 வண்ணத் துணிகள் ஒருவரிசை!
 வளையல், மணிகள் ஒருவரிசை!
 
 பாங்காய் இருக்கும் வரிசைகளில்
 பலவும் இன்னும் பார்த்திடலாம்!
 வேண்டும் பொருளை வாங்கிடலாம்
 விலையும் மலிவு சந்தையிலே!