தீபாவளி டிப்ஸ்!

 முள் தேன்குழல்

 தேவையானவை:

 அரிசி-1கிலோ

 கடலைப்பருப்பு-1கிலோ

 பாசிப்பருப்பு-250கிராம்

 சீரகம்-200கிராம்

 உப்பு, எண்ணெய்-தேவையான அளவு

 செய்முறை:

 முதலில் கூறப்பட்டுள்ள மூன்றையும் ஒன்றாக திரித்துக் கொள்ள வேண்டும். மாவு நைசாக இருக்க வேண்டும். பிறகு சல்லடையில் சலித்து எடுத்துக் கொள்ள வேண்டும். தேவையான அளவு உப்பு, சீரகம், வெண்ணெய் இவற்றையெல்லாம் மாவுடன் சேர்த்து தண்ணீர் இல்லாமல் நன்றாக பிசைய வேண்டும். வாணலியில் எண்ணெய்விட்டு மாவை முள்ளு தேன்குழல் அச்சில்போட்டு பிழிந்து வெந்ததும் எடுத்து வைக்க வேண்டும்.

 ஃபேஷன் லட்டு

 தேவையானவை:

 நெய்-750கிராம்

 கடலைமாவு-1கிலோ

 பால்-1/2லிட்டர்

 பாதாம்பருப்பு-400கிராம்

 கற்கண்டு-100கிராம்

 ஏலக்காய்-10கிராம்

 செய்முறை:

 ஒரு வாணலியை அடுப்பில் வைத்து நெய்விட்டு நன்றாகக் காயவிட வேண்டும். கடலை மாவை போட்டு கரண்டியினால் நன்றாகக் கிளறிக் கொண்டேயிருக்க வேண்டும். இந்த மாவு வறுபட்டு பதம் வந்தவுடன் நல்ல வாசனை கிளம்பும் சமயம் பாலை தெளித்து கிளறிக்கொண்டேயிருக்க வேண்டும். இந்த விதமாக பாலைத் தெளித்து வறுப்பதால் கடலைமாவு மிருதுவாகவும் உதிரியாகவும் இருக்கும். மேலும் வாணலி நிரம்ப உதிரியாகும். இந்த சமயம் வாணலியை அடுப்பிலிருந்து இறக்கி ஊற வைத்து தோல் நீக்கிய பாதாம் பருப்பு எடுத்துப் பொடியாக நறுக்கி கலந்துவிடவும். தூள் செய்த கற்கண்டு, ஏலக்காய்பொடி சேர்த்து நன்றாகக் கலந்து உருண்டைகளாக லட்டு பிடிக்க வேண்டும்.

 ஆர்.ஜெயலெட்சுமி,

 திருநெல்வேலி.