ஈரான் : கடந்த 24 மணி நேரத்தில் 50,228 பேருக்கு கரோனா பாதிப்பு 

ஈரானில் அதிகரித்து வரும் கரோனா தொற்றால் மக்களின் இயல்பு வாழ்க்கை பாதிக்கப்பட்டிருக்கும் சூழலில் கடந்த 24 மணி நேரத்தில் 50,228 பேருக்கு கரோனா தொற்று உறுதி செய்யப்பட்டிருக்கிறது.

இதையும் படிக்க | ஈரான் : அதிகரித்து வரும் கரோனா பலி

மேலும் இதுகுறித்து அந்நாட்டின் சுகாதாரத்துறை அமைச்சகம் , ' இதுவரை 45.17 லட்சம் பேர் கரோனாவால் பாதிப்படைந்திருக்கிறார்கள் அவர்களில் 37.86 லட்சம் பேர் நோயில் இருந்து மீண்டு விட்டார்கள்.5,163 பேர் தீவிர சிகிச்சைப் பிரிவில் இருக்கிறார்கள் . மேலும் கடந்த 24 மணி நேரத்தில் 625 பேர் உயிரிழந்திருக்கிறார்கள் ' எனத் தெரிவித்திருக்கிறார்கள்.

நேற்று ( செவ்வாய்க்கிழமை) நிலவரப்படி 1.57 கோடி பேர் முதல் தவணை தடுப்பூசியும் அவர்களில் 47.14 லட்சம் பேர் இரண்டாம் தவணை தடுப்பூசியும் எடுத்துக்கொண்டனர்.

தற்போது அதிகரித்து வரும் கரோனா பரவலால் அங்கு ஊரடங்கு போடப்பட்டிருப்பது குறிப்பிடத்தக்கது.