ரஷியாவுடனான உறவை துண்டிப்பதாக உக்ரைன் அறிவிப்பு

ரஷியாவுடனான உறவை துண்டிப்பதாக உக்ரைன் அதிபர் வொலோதிமீா் ஜெலென்ஸ்கி  அறிவித்துள்ளார்.

உலக நாடுகள் இடம்பெற்றுள்ள நேட்டோ ராணுவ அமைப்பில் உக்ரைன் இணைவதற்கு எதிர்ப்பு தெரிவித்து வந்த ரஷியா, உக்ரைன் மீது போர்த்தாக்குதலை தொடங்கியுள்ளது. உக்ரைன் மீது ராணுவ நடவடிக்கைளை மேற்கொள்ள ரஷிய அதிபர் விளாதிமிர் புதின் வியாழக்கிழமை உத்தரவிட்டதை அடுத்து, ரஷியப் படைகள், உக்ரைனில் போர் தொடுக்கத் தொடங்கியுள்ளது. இதனால் அங்கு பதற்றமான சூழ்நிலை நிலவுகிறது.

ரஷியா - உக்ரைன் போர் குறித்து அமெரிக்கா, இந்தியா உள்ளிட்ட உலக நாடுகள் பல கவலை தெரிவித்துள்ளன. ஐ.நா.வும் போரை நிறுத்த வேண்டும் என்று கோரிக்கை விடுத்துள்ளது.

இதையும் படிக்க |  உக்ரைன் போர்: தில்லியில் கட்டுப்பாட்டு அறை அமைப்பு: உதவி எண்கள் அறிவிப்பு

இந்நிலையில், ரஷிய நாடுடனான தூதரக ரீதியிலான அனைத்து உறவுகளையும் துண்டித்துக் கொள்வதாக உக்ரைன் அதிபர் ஜெலென்ஸ்கி  தெரிவித்துள்ளார்.