செய்தி மடல்
இ-பேப்பர்
‘வாஷிங்டனுக்கு அண்மையில் வருகை தந்த பிரதமா் மோடி மற்றும் பிற தலைவா்கள், இங்கு அரசுக் கட்டடங்களுக்கு அருகே மோசமடைந்த உள்கட்டமைப்புகளைப் பாா்ப்பதை நான் விரும்பவில்லை; எனவே, அவா்கள் வருகைக்கு முன் சீரமைப்புப் பணிகள் மேற்கொள்ளப்பட்டன’ என்று அமெரிக்க அதிபா் டொனால்ட் டிரம்ப் தெரிவித்தாா்.
வாஷிங்டனில் உள்ள கூடாரங்கள், சுவரெழுத்துகள், சாலைப் பள்ளங்கள், உடைந்த தடுப்புகள் உள்ளிட்டவற்றைக் குறிப்பிட்டு முந்தைய நிா்வாகத்தை விமா்சித்த டிரம்ப், ‘தூய்மையான-குற்றங்கள் இல்லாத தலைநகராக வாஷிங்டனை மாற்றுவோம்’ என்றாா்.
அமெரிக்க அதிபராக டொனால்ட் டிரம்ப் கடந்த ஜனவரியில் பதவியேற்றாா். இதைத் தொடா்ந்து, பல்வேறு உலகத் தலைவா்கள், அமெரிக்காவுக்கு பயணம் மேற்கொண்டு, அவருடன் பேச்சுவாா்த்தை நடத்தி வருகின்றனா்.
இஸ்ரேல் பிரதமா் பெஞ்சமின் நெதன்யாகு, ஜப்பான் பிரதமா் ஷிகேரு இஷிபா, ஜோா்டான் மன்னா் இரண்டாம் அப்துல்லா ஆகியோரைத் தொடா்ந்து, 4-ஆவது வெளிநாட்டுத் தலைவராக டிரம்ப்பை பிரதமா் மோடி கடந்த பிப்ரவரி 13-ஆம் தேதி சந்தித்தாா். பிரான்ஸ் அதிபா் இமானுவல் மேக்ரான், பிரிட்டன் பிரதமா் கியா் ஸ்டாா்மா் ஆகியோரும் டிரம்ப்பை சந்தித்துப் பேசினா்.
இந்நிலையில், வாஷிங்டனில் வெள்ளிக்கிழமை நடைபெற்ற நீதித் துறை கூட்டத்தில் டிரம்ப் பங்கேற்றுப் பேசியதாவது:
இந்திய பிரதமா் மோடி, பிரான்ஸ் அதிபா், பிரிட்டன் பிரதமா் போன்ற உலகத் தலைவா்கள் அண்மையில் என்னைச் சந்திக்க வருகை தந்தனா். அதேநேரம், அரசுக் கட்டடங்களுக்கு அருகே கூடாரங்கள், சுவரெழுத்துகள், சாலைப் பள்ளங்கள், உடைந்த தடுப்புகள் போன்றவற்றை அவா்கள் பாா்ப்பதை நான் விரும்பவில்லை. எனவே, சீரமைப்புப் பணிகளுக்கு உத்தரவிட்டேன். வெளியுறவுத் துறை அமைச்சகத்துக்கு வெளியே ஏராளமான கூடாரங்கள் இருந்தன. அவை நகர நிா்வாகத்தால் அகற்றப்பட்டன. தலைவா்கள் பயணிக்கும் பாதைகளில் நானே பாா்வையிட்டு சோதனை மேற்கொண்டேன்.
மாபெரும் தலைநகரான வாஷிங்டனை சீரமைக்கும் பணியை நாங்கள் முன்னெடுத்துள்ளோம். நகரில் கூடாரங்கள், சுவரெழுத்துகள் அகற்றப்படும். சாலைப் பள்ளங்கள், உடைந்த தடுப்புகள் சீரமைக்கப்படும்.
ஒட்டுமொத்த உலகமும் வியந்து பேசக் கூடிய தலைநகராக வாஷிங்டனை உருவாக்க நாங்கள் விரும்புகிறோம். கொள்ளை, துப்பாக்கிச்சூடு, பாலியல் வன்கொடுமை போன்ற குற்றங்கள் இல்லாத தலைநகராக வாஷிங்டனை மாற்றுவதும் எனது விருப்பம். முன்பைவிட தூய்மையான, சிறப்பான, குற்றங்கள் இல்லாத தலைநகராக வாஷிங்டன் இருக்கப் போகிறது என்றாா் டிரம்ப்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.