நகை திருட்டு: இளைஞர் கைது

மயிலாப்பூரில் அடுக்குமாடிக் குடியிருப்பிலுள்ள வீட்டின் பூட்டை உடைத்து தங்க நகைகள் திருடிய இளைஞரை போலீஸார் கைது செய்தனர்.
மயிலாப்பூர் மசூதி தெருவில் அடுக்குமாடி குடியிருப்பில் உள்ள வீட்டில் ஸ்ரீதர் (52) வசித்து வருகிறார். கடந்த ஆண்டு மார்ச் 28-ஆம் தேதி காலை வீட்டை பூட்டிவிட்டு வெளியே சென்று, இரவு திரும்பியபோது, அவரது வீட்டின் பூட்டு உடைக்கப்பட்டிருந்தது. வீட்டில் இருந்த 11 பவுன் நகைகள் திருட்டுப் போயிருந்தன.
மயிலாப்பூர் போலீஸார் வழக்குப் பதிந்து விசாரித்து கபாலி தோட்டத்தை சேர்ந்த பிரகாஷ் (31) என்பவரை வியாழக்கிழமை கைது செய்தனர். 
அவரிடம் இருந்து 8 பவுன் தங்க நகைகள் பறிமுதல் செய்யப்பட்டன. பின்னர் அவர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.