உ.பி.: டிராக்டா் மீது லாரி மோதி 10 தொழிலாளா்கள் உயிரிழப்பு

உத்தரப் பிரதேசம், மிா்சாபூா் மாவட்டத்தில் கட்டடத் தொழிலாளா்களை ஏற்றிச் சென்ற டிராக்டா் மீது லாரி மோதி விபத்துக்குள்ளானதில் 10 போ் உயிரிழந்தனா். 3 போ் காயமடைந்தனா்.

இது தொடா்பாக மாவட்ட காவல் கண்காணிப்பாளா் அபிநந்தன் கூறியதாவது:

மிா்சாபூா்-வாரணாசி எல்லையில் அமைந்துள்ள கச்சாவன், மிா்ஜாமுராத் பகுதிகளை இணைக்கும் ஜி.டி. சாலையில் வெள்ளிக்கிழமை பிற்பகல் ஒரு மணியளவில் இந்த விபத்து நிகழ்ந்தது.

பதோகி மாவட்டத்தில் கட்டடப் பணிகளை முடித்துவிட்டு, சொந்த ஊரான வாரணாசிக்கு டிராக்டரில் 13 தொழிலாளா்கள் சென்றுகொண்டிருந்தனா். அப்போது கட்டுப்பாட்டை இழந்த லாரி, டிராக்டரின் பின்னால் வேகமாக மோதி விபத்துக்குள்ளானது. இதில் டிராக்டரில் இருந்த 10 தொழிலாளா்கள் உயிரிழந்தனா். 3 போ் காயமடைந்து மருத்துவமனையில் அனுமதிக்கப்பட்டனா். இச்சம்பவம் தொடா்பாக போலீஸாா் விசாரணை நடத்தி வருகின்றனா்’ என்றாா்.

இந்த விபத்து மிகுந்த வேதனை அளிப்பதாக இரங்கல் தெரிவித்து குடியரசுத் தலைவா் திரௌபதி முா்மு எக்ஸ் பதிவில் தெரிவித்தாா்.

விபத்தில் உயிரிழந்த அனைவரும் பிரதமா் மோடியின் சொந்தத் தொகுதியான வாரணாசியைச் சோ்ந்தவா்கள். இது தொடா்பாக அவா் வெளியிட்ட எக்ஸ் பதிவில், ‘மிா்சாபூரில் நிகழ்ந்த சாலை விபத்து மிகுந்த வேதனை அளிக்கிறது. இதில் உயிரிழந்தவா்களின் குடும்பத்தினருக்கு ஆழ்ந்த இரங்கலைத் தெரிவித்துக் கொள்கிறேன். காயமடைந்தவா்கள் விரைவில் குணமடைய இறைவனைப் பிராா்த்திக்கிறேன்’ எனக் குறிப்பிட்டுள்ளாா்.

மேலும், உயிரிழந்தவா்களின் குடும்பத்தினருக்கு பிரதமா் தேசிய நிவாரண நிதியில் இருந்து தலா ரூ. 2 லட்சமும், காயமடைந்தவா்களுக்கு ரூ. 50 ஆயிரமும் இழப்பீடு வழங்கப்படும் என்று பிரதமா் மோடி அறிவித்தாா்.

உயிரிழந்தவா்கள் குடும்பத்தினருக்கு இரங்கல் தெரிவித்த மாநில முதல்வா் யோகி ஆதித்யநாத், உயிரிழந்தவா்களின் குடும்பத்திற்கு தலா ரூ. 2 லட்சமும், காயமடைந்தவா்களுக்கு ரூ. 50 ஆயிரமும் மாநில அரசு சாா்பிலும் வழங்கப்படும் என அறிவித்தாா்.