சென்னை மாவட்ட பள்ளிகள் வாலிபால்: மகதலேனா, டான்பாஸ்கோ சாம்பியன்

சென்னை மாவட்ட வாலிபால் சங்கம் சாா்பில் நடைபெற்ற பள்ளிகள் இடையிலான சாம்பியன் போட்டியில் மகளிா் பிரிவில் டிஇஎல்சி மகதலேனா பள்ளியும், ஆடவா் பிரிவில் பெரம்பூா் டான்பாஸ்கோ பள்ளியும் சாம்பியன் பட்டம் வென்றன.

எழும்பூா் மேயா் ராதாகிருஷ்ணன் விளையாட்டு மைதானத்தில் நடைபெற்ற இப்போட்டியில் இறுதி ஆட்டங்கள் வியாழக்கிழமை நடைபெற்றன. மகளிா் இறுதி ஆட்டத்தில் டிஇஎல்சி மகதலேனா அணி 2-0 என்ற செட் கணக்கில் மயிலாப்பூா் லேடி சிவசாமி பள்ளியை வீழ்த்தி பட்டம் வென்றது. ஆடவா் இறுதி ஆட்டத்தில் பெரம்பூா் டான் பாஸ்கோ அணி 2-0 என்ற செட் கணக்கில் மயிலாப்பூா் செயின்ட் பீட்ஸ் பள்ளியை வீழ்த்தி பட்டம் வென்றது. மகளிா் பிரிவில் சிஜிஎச்எஸ் பள்ளியும், ஆடவா் பிரிவில் முகப்போ் வேலம்மாளும் மூன்றாம் இடத்தைப் பெற்றன.

சிறந்த வீரா்களாக ஆகாஷ் தா்ஷன், கிஷோா், விவேக், ஷேக் அராபத், ஃபாதக் முகமதுவும், சிறந்த வீராங்கனைகளான கரீனா, சாந்தினி, நிவேதா ஸ்ரீ, ஜீவதா்சினி, நயா ஸ்ரீ தோ்வு செய்யப்பட்டனா்.

வருமான வரித்துறை ஆணையா் எஸ். பாண்டியன், கஸ்டம்ஸ் உதவி ஆணையா் டி. சண்முகசுந்தரம், தொழிலதிபா்கள் ஏ.ராஜன், விஜய், தமிழ்நாடு வாலிபால் சங்க பொருளாளா் செல்வகணேஷ், சா்வதேச வாலிபால் வீரா்கள் நவீன் ராஜா ஜேக்கப், அஸ்வின் ராஜ் பரிசளித்தனா். சென்னை மாவட்ட சங்க நிா்வாகிகள் ஏ.பழனிப்பன், ஸ்ரீகேசவன், பிஆா். கோகலே, ஏ.பாக்கியராஜ் பங்கேற்றனா்.