8 வழி பசுமைச் சாலைக்கு எதிர்ப்பு தெரிவித்து ஆட்சியரிடம் மனு

சென்னை-சேலம் 8 வழி பசுமைச் சாலைக்கு எதிர்ப்பு தெரிவித்து எதிர்ப்பு இயக்கத்தினர் ஆட்சியரிடம் புதன்கிழமை மனு அளித்தனர்.
சென்னை - சேலம் எட்டு வழி சாலைக்கு காஞ்சிபுரம் மாவட்டத்தில் 59 கிலோ மீட்டர் தூரம் நிலம் கையகப்படுத்த அரசு திட்டமிட்டது. அதன்படி, நிலங்களை கையபடுத்தி வந்த நிலையில் உயர்நீதிமன்றம் விவசாயிகள் எதிர்ப்பை மீறி எட்டு வழிச்சாலை திட்டத்துக்கு இடைக்கால தடை விதித்தது. இந்நிலையில், சென்னை - சேலம் 8 வழி பசுமைச்சாலை பசுமைத்திட்டத்துக்கு எதிர்ப்பு தெரிவித்து விவசாயிகள் உள்ளிட்ட எதிர்ப்பு இயக்கத்தினர் கடந்த சில நாள்களாக விவசாயிகளிடம் கருத்து கேட்பு நடத்தி வந்தனர். அதைத் தொடர்ந்து, புதன்கிழமை ஆட்சியரிடம் மனு அளிக்க வந்தனர். அப்போது, போலீஸார் அவர்களை தடுத்து நிறுத்தியதால், தர்னா போராட்டத்தில் ஈடுபட்டனர்.பின்பு, மாவட்ட வருவாய் அலுவலரிடம் அவர்கள் மனு அளித்து திரும்பினர்.