நடிகை வரலட்சுமி சரத்குமார், தன் தந்தை சரத்குமார் மற்றும் சித்தி ராதிகாவுடன் இணைந்து நடிக்கப் புதிய படமொன்றில் ஒப்பந்தமாகியிருக்கிறார். படத்திற்கான டீஸர் வெளியாகியுள்ள நிலையில் படம் குறித்த தகவல்களைத் தனது ட்விட்டர் பக்கத்தில் பகிர்ந்துள்ளார். படத்தின் பெயர் ‘ பிறந்தாள் பராசக்தி’ இதில் ராதிகா மற்றும் சரத்குமாருடன் இணைந்து வரலட்சுமி நடிக்கிறார். முற்றிலும் குடும்பப் பின்னணியில் எடுக்கப்படவிருக்கும் இத்திரைப்படத்தில் டைட்டில் ரோலில் வரலட்சுமி நடிக்கிறார். படம் குறித்த தகவலைப் பகிரும் போது, படத்தை இயக்கவிருப்பது ஓம் விஜய் என்றும் தயாரிக்கவிருப்பது ராதிகாவின் ராடன் பிக்ஸர்ஸ் நிறுவனம் என்றும் தெரிவித்துள்ளார். தனக்கு இது முற்றிலும் புதிய அனுபவம் மட்டுமல்ல, மிக சந்தோஷமான நினைவுகளைத் தரக்கூடிய படமாகவும் இத்திரைப்படம் அமைந்திருப்பதாக வரலட்சுமி ட்விட்டரில் பகிர்ந்திருக்கிறார்.
நடிகர் விஷாலுடனான நட்பால் தந்தை, மகள் உறவில் விரிசல். கடந்த நடிகர் சங்கத் தேர்தல் சமயத்தில் ராதிகா குழுவினரை எதிர்த்த வகையில் சித்தியுடனும் சுமூகமான உறவின்மை என இருந்த கருத்து வேறுபாடுகள் நிறைந்த இவர்களது உறவு வரவிருக்கும் ‘பிறந்தாள் பராசக்தி’ திரைப்படம் மூலமாக முடிவுக்கு வந்திருக்கிறது. இத்திரைப்படத்தின் வெற்றியைத் தொடர்ந்து ராடன் தயாரிக்கும் நாயகி மையைத் திரைப்படங்களில் இனி வரலட்சுமி சரத்தைக் காண முடியலாம்.
முகமதியர்களை எதிர்த்த வீரதீர மிக்க கடைசி இந்து அரசர்களில் ஒருவரின் கதை மீண்டும் திரைப்படமாகிறது!
நடுச்சாமத்தில் கற்பூரம் கொளுத்தி வாழ்க்கைப்பாதையை ஒளிமயமாக்கிக் கொண்ட கவுண்டமணி!
ஸ்ரீதேவி நினைவுகள்... இன்று ஸ்ரீதேவியின் பிறந்தநாளாம்!
டோலிவுட் சின்னத்திரை, பெரியதிரை மைனர்களுக்கு ஒரு ஸ்ரீரெட்டி பத்தாது போல இருக்கே!
என் பாடல்கள் அளவுக்கு முகம் தமிழ் ரசிகர்களுக்குப் பரிச்சயமானதில்லை: கல்பனா ராகவேந்தர்!