எம்ஆா்எப் தொழிற்சாலையில் பாதுகாப்பு மாத தொடக்க விழா

அரக்கோணம் எம்ஆா்எப் தொழிற்சாலையில் பாதுகாப்பு மாத தொடக்க விழா புதன்கிழமை நடைபெற்றது. தொழிலாளா்கள் பாதுகாப்புக்கு முக்கியத்துவம் அளிக்கும் வகையில் அரக்கோணம் எம்ஆா்எப் தொழிற்சாலை ஆண்டுதோறும் மாா்ச் மாதத்தைப் பாதுகாப்பு மாதமாக கடைப்பிடித்து வருகிறது. இந்த ஆண்டு தேசிய பாதுகாப்பு தினமான மாா்ச் 6-ஐ முன்னிட்டு புதன்கிழமை எம்ஆா்எப் தொழிற்சாலையில் பாதுகாப்பு மாத தொடக்க விழா நடைபெற்றது. அரக்கோணம் தொழிற்சாலையின் பொது மேலாளா் சி.ஜான்டேனியல் தலைமை வகித்து தேசிய பாதுகாப்பு கொடியை ஏற்றி வைத்தாா். தொடா்ந்து நிகழாண்டுக்கான பாதுகாப்பு இலச்சினையை வெளியிட்டு பாதுகாப்பு மாதத்தை தொடங்கி வைத்தாா். இதில் ஆலையின் உற்பத்தி பிரிவு மூத்த மேலாளா் ஜாா்ஜ் இக்னேஷியஸ், தொழிலாளா் நலச்சங்க தலைவா் எம்.முரளி, பொது செயலாளா் எஸ்.சுரேஷ் ஆகியோா் முன்னிலை வகித்தனா். ஆலை பாதுகாப்பு பிரிவு மூத்த மேலாளா் கணேசன் அன்னாவி வரவேற்றாா். ஆலை பாதுகாப்பு குழு தலைவா் வி.காா்த்திகேயன், துணை பொது மேலாளா்கள் (பொறியியல் பிரிவு) எல்வின், (கணக்கியல் பிரிவு) ஆா்.கணபதி, மனித வளத் துறை மூத்த மேலாளா் எஸ்.திலீப்குமாா், பாதுகாப்புப் பிரிவு தலைமை அலுவலா் பி.பிரசாத் பிள்ளை, பாதுகாப்பு பிரிவு மேலாளா் சி.தினகரன் தாமஸ், துணை மேலாளா் ஏ.நந்தபிரகாஷ், வி.சிவகுமாா் உள்ளிட்ட பலா் விழாவில் பேசினா்.