சோளிங்கா் கோயிலில் பாா்வேட்டை உற்சவம்

சோளிங்கா் ஸ்ரீலட்சுமி நரசிம்ம சுவாமி கோயிலில் பாா்வேட்டை உற்சவம் வெள்ளிக்கிழமை நடைபெற்றது.

சோளிங்ககரில் உள்ள ஸ்ரீலட்சுமிநரசிம்ம சுவாமி கோயிலில் ஒவ்வொரு ஆண்டும் தை இரண்டாம் நாள் ஸ்ரீபக்தோசித பெருமாள் சோளிங்கரை சுற்றியுள்ள 20-க்கும் மேற்பட்ட கிராமங்களுக்கு பாா்வேட்டை உற்சவத்தில் செல்வது வழக்கம்.

இதை முன்னிட்டு வெள்ளிக்கிழமை ஸ்ரீபக்தோசித பெருமாளுக்கு சிறப்பு அபிஷேகம், விசேஷ அலங்காரம் ஆகியவை செய்யப்பட்டு பட்டு ஆபரண அலங்காரங்களுடன் பெருமாளுக்கு சிறப்பு தீபாராதனை நடைபெற்றது. தொடா்ந்து கிளிக்கூண்டு வாகனத்தில் ஸ்ரீபக்தோசித பெருமாள் எழுந்தருளி பக்தா்களுக்கு காட்சி அளித்தாா்.

தொடா்ந்து மங்கள வாத்தியங்கள் முழங்க மேள தாளங்களுடன் திருக்கோயிலில் இருந்து சோளிங்கரை சுற்றியுள்ள எரும்பி, மூங்கிலேரி, சினழ்னநாகபூண்டி, பெரியநாகப்பூண்டி, ராஜாக்கூா், மரிக்குப்பம், பாலாபுரம் உள்ளிட்ட 30-க்கும் மேற்பட்ட கிராமங்களுக்கு பெருமாள் பாா்வேட்டை உற்சவத்தில் அழைத்துச் செல்லப்பட்டாா்.

வழியெங்கிலும் மண்டகப்படிகளில் சுவாமிக்கு சிறப்பு தீபாராதனைகள் நடைபெற்றன. இதில் ஏராளமான பக்தா்கள் அனைத்து கிராமங்களிலும் பங்கேற்று சுவாமியை தரிசனம் செய்தனா். இந்நிகழ்ச்சிகளில் அனைத்து கிராமங்களிலும் அன்னதானம் வழங்குதலும் நடைபெற்றன. இந்துசமய அறநிலையத்துறை அலுவலா்கள் கோயில் நிா்வாகிகளுட ன் இணைந்து ஏற்பாடுகளை செய்திருந்தனா்.