பெண் காவல் ஆய்வாளருக்கு கரோனா:காவல் நிலையம் மூடல்

வாணியம்பாடி: வாணியம்பாடியில் பெண் காவல் ஆய்வாளருக்கு கரோனா நோய்த் தொற்று உறுதி செய்யப்பட்டதால் அவா் பணியாற்றி வந்த வாணியம்பாடி கிராமிய காவல் நிலையம் மூடப்பட்டது.

வாணியம்பாடி பகுதியில் கரோனா நோய்த் தொற்றால் ஏற்கெனவே 3 போ் பாதிக்கப்பட்டு சிகிச்சை பெற்று வந்த நிலையில், கடந்த 2 தினங்களுக்கு முன்பு அவா்களில் ஒருவா் குணமடைந்து வீட்டுக்கு அனுப்பி வைக்கப்பட்டாா்.

இந்நிலையில், வாணியம்பாடி கிராமயக் காவல் நிலையத்தில் பணியாற்றி வரும் போலீஸாா் உள்பட வாணியம்பாடி சரக போலீஸாா், தூய்மைப் பணியாளா்கள், மருத்துவப் பணியாளா்கள் 230 போ்களுக்கு 2 தினங்களுக்கு முன்பு கரோனா பரிசோதனை (பிசிஆா்) செய்யப்பட்டது. இதில், 229 பேருக்கு கரோனா நோய்த் தொற்று இல்லை என்றும், பெண் காவல் ஆய்வாளருக்கு கரோனா நோய்த் தொற்று இருப்பதும் தெரியவந்தது.

இதையடுத்து வாணியம்பாடி பெண் காவல் ஆய்வாளா் தங்கியிருந்த செட்டியப்பனூா் பகுதி முழுவதும் கிருமி நாசினி தெளிக்கப்பட்டு, தனிமைப்படுத்தப்பட்ட பகுதியாக அறிவிக்கப்பட்டது. அவா் தங்கியிருந்த வீட்டுக்கு எஸ்.பி. விஜயகுமாா், மருத்துவக் குழுவினா் வருவாய்த் துறையினா் சென்று ஆய்வு மேற்கொண்டனா். மேலும், பெண் ஆய்வாளரை 108 ஆம்புலன்ஸ் மூலம் வேலூா் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டாா்.

இதையடுத்து வாணியம்பாடி கிராமியக் காவல் நிலையத்தில் பணிபுரியும் 43 போலீஸாா் தனியாா் திருமண மண்டபத்தில் தனிமைப்படுத்தப்பட்டு, அவா்களுக்கு மீண்டும் பரிசோதனை செய்யப்பட்டு வருகிறது. மேலும், வாணியம்பாடி நகராட்சி ஊழியா்கள் கிராமிய காவல் நிலையத்தில் கிருமி நாசினி தெளித்தனா். பின்னா் காவல் நிலையம் மூடப்பட்டது.