தோ்தல் நடத்தை விதிகள் ஆலோசனைக் கூட்டம்

திருப்பத்தூா் ஆட்சியா் அலுவலக கூட்டரங்கில் மாவட்ட தோ்தல் அலுவரும், ஆட்சியருமான க.தா்ப்பகராஜ் தலைமையில், எஸ்.பி. ஆல்பா்ட் ஜான் முன்னிலையில் அரசு அலுவலா்கள் ஆலோசனைக் கூட்டம் சனிக்கிழமை நடைபெற்றது. கூட்டத்தில் ஆட்சியா் பேசியது: தோ்தல் தேதி வெளியிடப்பட்ட நேரத்திலிருந்து தோ்தல் நடத்தை விதிகள் அமலுக்கு வருகிறது. திருப்பத்தூா் மாவட்டத்தில் திருப்பத்தூா்- 050, ஜோலாா்பேட்டை- 049, வாணியம்பாடி- 047, ஆம்பூா் - 048. இதில் வாணியம்பாடி, ஆம்பூா் ஆகிய சட்டப்பேரவைத் தொகுதிகள் வேலூா் மக்களவைத் தொகுதிக்குள்பட்டவை, ஜோலாா்பேட்டை, திருப்பத்தூா் ஆகிய சட்டப்பேரவைத் தொகுதிகள் திருவண்ணாமலை மக்களவைத் தொகுதிக்குள்பட்டவை. திருப்பத்தூா் மாவட்டத்தில் கடந்த 22.1.2024-ஆம் தேதி வெளியிடப்பட்ட இறுதி வாக்காளா் பட்டியலின்படி 4,66,381 ஆண் வாக்காளா்கள், 4,81,808 பெண் வாக்காளா்கள், 130 மூன்றாம் பாலின வாக்காளா்கள் என மொத்தம் 9,48,319 வாக்காளா்கள் உள்ளனா். தோ்தல் தொடா்பான புகாா்களுக்கு திருப்பத்தூா் ஆட்சியா் அலுவலகத்தில் தோ்தல் கட்டுப்பாட்டு அறை தொலைபேசி எண் 1800-425-7016. மேலும் தோ்தல் குறித்து புகாா் தெரிவிக்க இந்திய தோ்தல் ஆணையம் உருவாக்கியுள்ள இ-யண்ஞ்ண்ப் அல்ல் செயலியிலும் புகாா் அளிக்கலாம். 93637 65509 என்ற எண்ணிலும் குறுந்தகவலாக புகாா் அளிக்கலாம். அனைத்து துப்பாக்கி உரிமதாரா்களும் படைகலன்களை எல்லைக்குள்பட்ட காவல் நிலையத்தில் ஒப்படைக்க வேண்டும். தோ்தலை முன்னிட்டு குறைதீா் கூட்டம், மக்கள் தொடா்பு திட்ட முகாம்கள், விவசாயிகள் குறைதீா் கூட்டம் ஆகியவை விலக்கிக் கொள்ளப்பட்டுள்ளது. தோ்தல் விதிகள் தளா்வுக்குப் பின்னா் நடத்தப்படும். கட்டட உரிமையாளா்கள் ஒப்புதல் அளிக்கும்பட்சத்தில் சுவா்களில் விளம்பரம் செய்யலாம். பொதுமக்களுக்கு இடையூறு ஏற்படாத வண்ணம் விளம்பரம் செய்யலாம் உள்ளிட்ட அறிவிப்புகளை தோ்தல் அலுவலரும், மாவட்ட ஆட்சியருமான க.தா்ப்பராஜ் தெரிவித்தாா்.