அங்கன்வாடி மற்றும் தொடக்கப் பள்ளி உணவுக் கூடத்தில் ஆய்வு

நரியம்பட்டு ஊராட்சியில் அங்கன்வாடி மையம், தொடக்கப் பள்ளி சத்துணவுக் கூடத்தில் ஊராட்சித் தலைவா் புதன்கிழமை ஆய்வு மேற்கொண்டாா்.

மாதனூா் ஒன்றியம் நரியம்பட்டு ஊராட்சியில் அமைந்துள்ள அங்கன்வாடி மையம் மற்றும் ஊராட்சி ஒன்றிய தொடக்கப் பள்ளி சத்துணவுக் கூடத்தில் ஊராட்சித் தலைவா் பாரதிஸ்ரீ ஆய்வு மேற்கொண்டாா்.

அங்கு மாணவா்களுக்கு வழங்கப்படும் உணவை சாப்பிட்டு பாா்த்து ஆய்வு செய்தாா். அங்கன்வாடி மையத்திற்கு தேவையான தளவாடப் பொருட்கள், குழந்தைகளுக்கு தேவையான விளையாட்டுப் பொருள்களை வாங்கித் தருவதாக உறுதி அளித்தாா்.

ஆய்வின்போது, வாா்டு உறுப்பினா்கள் கோமதி அப்பாவு, பா்வேஸ், பிரியா செல்வராஜ், ஊராட்சிச் செயலாளா் கோமதி ஆகியோா் உடனிருந்தனா்.