வாணியம்பாடி நகராட்சியில் திடக்கழிவு மேலாண்மை பணிகள்: அதிகாரி ஆய்வு

வாணியம்பாடி நகராட்சியில் திடக்கழிவு மேலாண்மை பணிகளை அதிகாரிகள் நேரில் ஆய்வு செய்தனா்.

வாணியம்பாடி நகராட்சிக்குள்பட்ட 36 வாா்டுகளில் தினமும் சேகரிக்கப்படும் குப்பைகளை மக்கும் குப்பை, மக்காத குப்பை என தனித்தனியாகப் பிரிக்கும் பணிகள் குறித்து பொதுசுகாதாரம் மற்றும் நகராட்சி நிா்வாகத் துறை திடக்கழிவு மேலாண்மை இணை இயக்குநா் சசிகலா மற்றும் நகராட்சி அதிகாரிகள் நேரில் ஆய்வு மேற்கொண்டனா். அப்போது நூருல்லாபேட்டை மற்றும் இராமயன் தோப்பு பகுதிகளில்அமைந்துள்ள நுண் உரம் தயாரிக்கும் மையங்களை அவா் நேரில் ஆய்வு செய்தாா். மேலும், வீடுகள் மற்றும் வணிக நிறுவனங்களில் இருந்து சேகரிக்கப்படும் குப்பைகளை முறையாகப் பிரித்து சேகரிக்கப்படும் குப்பைகளை உரமாக மாற்றுதல் மற்றும் மறுசுழற்சி செய்யக்கூடிய பொருள்களை தரம் பிரித்து வழங்குவது குறித்து மக்களுக்கு விழிப்புணா்வு ஏற்படுத்த வேண்டும் என நகராட்சி அதிகாரிகளுக்கு அறிவுறுத்தினாா்.

நகராட்சியின் குப்பைகளை சேகரிக்கும் வாகனங்கள் குறித்தும் ஆய்வு செய்தாா். தொடா்ந்து நகராட்சிப் பகுதிகளில் சாலைப் பணிகள், குடிநீா் மையங்கள், நடைபாதைகள் உள்ளிட்ட அடிப்படை வசதிகள் தொடா்பாக ஆய்வு மேற்கொண்டு.

பொதுமக்களுக்கு இடையூறு ஏற்படாத வகையில், நகராட்சிப் பணிகளை தொடா்ந்து மேற்கொள்ள வேண்டும் என அறிவுறுத்தினாா்.

உடன் நகராட்சி பொறியாளா் சந்திரசேகா், சுகாதார அலுவலா் அப்துல் ரஹீம், சுகாதார ஆய்வாளா் செந்தில்குமாா், உதவி செயற்பொறியாளா் கோவிந்தப்பா மற்றும் நகராட்சி, பணியாளா்கள் உடனிருந்தனா்.