எல்.ஐ.சி. வீட்டுக் கடன் கண்காட்சி 4-ஆம் தேதி தொடக்கம்

எல்.ஐ.சி. ஹவுசிங் பைனான்ஸ் நிறுவனம் சார்பில் "உங்கள் இல்லம் 2017' எனும் வீட்டுக் கடன் கண்காட்சி கோவையில் 4-ஆம் தேதி தொடங்குகிறது.
வி.ஜி.விளம்பர நிறுவனம், ஷெர்னா பிராப்பர்டீஸ் நிறுவனம் ஆகியவற்றுடன் இணைந்து 2 நாள் இந்தக் கண்காட்சி நடைபெறவுள்ளது.
பீளமேடு சுகுணா திருமண மண்டபத்தில் நடைபெறும் 6-ஆவது ஆண்டுக் கண்காட்சியை எல்.ஐ.சி. ஹவுசிங் பைனான்ஸ் நிறுவனத்தின் தென் மண்டல மேலாளர் எம்.கே.கருப்பையா தொடக்கிவைக்கிறார்.  இந்தக் கண்காட்சியில் 50-க்கும் மேற்பட்ட முன்னணி கட்டுமான நிறுவனத்தினர், ரூ. 9 லட்சம் முதல் ரூ. 3 கோடி வரையிலான வீடுகள் விற்பனை குறித்தும், வீட்டுக் கடன்கள் குறித்தும் பார்வையாளர்களுக்கு விளக்கம் அளிக்கின்றனர்.
மேலும், இங்கு வீடு பதிவு செய்பவர்களுக்குத் தள்ளுபடி, தங்கக் காசு, வீட்டு உபயோகப் பொருள்கள் போன்ற சலுகைகள், இலவசங்கள் வழங்கப்படும் என்று அறிவிக்கப்பட்டுள்ளது.