கோவையில் பாதுகாப்பு கருவிகள் உற்பத்திப் பூங்கா

கோவையில் பாதுகாப்பு கருவிகள் உற்பத்திப் பூங்கா அமைக்கப்படும் என்ற அறிவிப்புக்கு பி.ஆா்.நடராஜன் எம்.பி. வரவேற்பு தெரிவித்துள்ளாா்.

இது தொடா்பாக அவா் வெளியிட்டுள்ள அறிக்கையில் கூறியிருப்பதாவது:

தமிழ்நாட்டின் நிதிநிலை சிரமங்களை உள்வாங்கிக் கொண்டு குறுகிய கால பயன்கள், நீண்ட கால பயன்கள் என்ற வகையில் நல்லதொரு நிதிநிலை அறிக்கையை தமிழக நிதி அமைச்சா் முன்மொழிந்துள்ளாா். குறிப்பாக கோவை மாவட்டத்தை முதன்மைப்படுத்தி ரூ.225 கோடி மதிப்பீட்டில் 500 ஏக்கா் பரப்பளவில் பாதுகாப்பு கருவிகள் உற்பத்திப் பூங்கா மாநில அரசின் சாா்பில் அமைக்கப்படும் எனவும், இதன் மூலம் ரூ.3,500 கோடி மதிப்பிலான முதலீடுகள் ஈா்க்கப்படும் எனவும் அறிவிக்கப்பட்டுள்ளது.

கோவை மக்களின் சாா்பில் இந்த அறிவிப்பை வரவேற்கிறோம். இத்தகைய அறிவிப்பினால் கோவையையைச் சோ்ந்த பல்லாயிரக்கணக்கானோா் நேரடியாகவும் மறைமுகமாகவும் வேலைவாய்ப்பைப் பெறுவாா்கள். அதேபோல, மகளிா் சுய உதவிக் குழுக்களுக்கான கடன் தள்ளுபடி, ரூ.5,500 கோடி சிறப்பு கரோனா கால கடனுதவி, பெட்ரோல் மீதான வரியில் 3 ரூபாய் குறைப்பு போன்ற அறிவிப்புகள் சாதாரண ஏழை, எளிய, உழைப்பாளி மக்கள் நேரிடையாக பயன்பெறும் திட்டங்களாகும்.

இத்தகைய நல்ல நிதிநிலை அறிக்கையை சமா்ப்பித்த நிதியமைச்சா் பி.டி.ஆா்.பழனிவேல் தியாகராஜனுக்கும், தமிழக முதல்வா் மு.க.ஸ்டாலினுக்கும் நன்றி தெரிவித்துக் கொள்வதாக நடராஜன் தெரிவித்துள்ளாா்.