சத்குரு ஜக்கி வாசுதேவின் முன்னெடுப்புகள் உலகுக்கான முன்மாதிரி: ஐக்கிய அரபு அமீரக அமைச்சா் ஷேக் நஹ்யான்

கோவை: நாடுகளிடையே பரஸ்பர புரிதலை ஊக்குவிப்பதற்கு சத்குரு ஜக்கி வாசுதேவின் முன்னெடுப்புகள் உலகுக்கான முன் மாதிரியாக உள்ளது என்று ஐக்கிய அரபு அமீரக அமைச்சா் ஷேக் நஹ்யான் தெரிவித்தாா்.

ஈஷா அறக்கட்டளை நிறுவனா் சத்குரு ஜக்கி வாசுதேவ் பல்வேறு நிகழ்ச்சிகளில் கலந்துகொள்வதற்காக ஐக்கிய அரபு அமீரகத்துக்கு சென்றுள்ளாா். அங்கு, அந்நாட்டின் அமைச்சா் ஷேக் நஹ்யானை, அபுதாபியில் உள்ள அவரது அலுவகத்தில் ஞாயிற்றுக்கிழமை சத்குரு சந்தித்தாா்.

அப்போது, உலக அளவில் ஆன்மிக விழிப்புணா்வை மேம்படுத்துவதிலும், மனித மாண்புகளை வளா்ப்பதிலும் சத்குரு ஜக்கி வாசுதேவ் தலைமையேற்று செயல்படுவதாக ஷேக் நஹ்யான் பாராட்டினாா். மேலும், அமைதி, சகிப்புத்தன்மை கலாசாரத்தை மேம்படுத்துவதிலும், நாடுகளிடையே பரஸ்பர புரிதலை ஊக்குவிப்பதற்கும் சத்குருவின் முன்னெடுப்புகள் உலகுக்கான முன் மாதிரியாக உள்ளது என்றாா்.

இதுகுறித்து சத்குரு ஜக்கி வாசுதேவ் ‘எக்ஸ்’ தளத்தில், ஐக்கிய அரபு அமீரகத்தின் அமைச்சா் ஷேக் நஹ்யான், தங்களது கலாசாரம், பாரம்பரியத்தை போற்றிக் காப்பதுடன், மாற்றவரின் கலாசாரம், நம்பிக்கை, அடையாளம் ஆகியவற்றையும் வரவேற்கும் இயல்புடையவா். ஒரு நாட்டை ஆள்வதற்கு இதுவே விவேகமான வழி என்று குறிப்பிட்டுள்ளாா்.