குன்னூரில் டாஸ்மாக் ஊழியா் தாக்கப்பட்டதைக் கண்டித்து ஆா்ப்பாட்டம்

குன்னூரில் டாஸ்மாக் மதுபானக் கடையில் புகுந்து ஊழியா்கள் மீது தாக்குதல் நடத்திய நபா்களை குண்டா் சட்டத்தில் கைது செய்ய வலியுறுத்தி டாஸ்மாக் ஊழியா்கள் சங்கம்  சாா்பில் வெள்ளிக்கிழமை ஆா்ப்பாட்டம் நடைபெற்றது.

குன்னூா் மவுண்ட் ரோட்டில் டாஸ்மாக் கடையில் விற்பனையாளராக பணியாற்றி வருபவா் பிரேம்குமாா் (48). இந்த கடைக்கு மது வாங்குவதற்காக அதே பகுதியைச் சோ்ந்த டான்சிஸ் சில்வா் ஸ்டாா் (55), அவரது மகன் ஹாலன் ரூபால்ட் (26) ஆகியோா் வியாழக்கிழமை வந்துள்ளனா். அப்போது விற்பனையாளா் பிரேம்குமாருக்கும், அவா்களுக்கும் இடையே வாக்குவாதம் ஏற்பட்டுள்ளது. இதில் ஆத்திரமடைந்த டான்சிஸ் சில்வா் ஸ்டாா், ஹாலன் ரூபால்ட் ஆகிய இருவரும் டாஸ்மாக் கடைக்குள் புகுந்து ஊழியா் பிரேம்குமாரை தாக்கியுள்ளனா். இது தொடா்பான புகாரின்பேரில், தாக்குதல் நடத்திய இருவா் மீது வழக்குப் பதிவு செய்த மேல்குன்னூா் போலீஸாா், அவா்களைக் கைது செய்து சிறையில் அடைத்தனா்.

இந்நிலையில், தாக்குதல் நடத்தியவா்கள் மீது குண்டா் சட்டத்தில் நடவடிக்கை எடுக்க வேண்டும், டாஸ்மாக் கடைகளுக்கு துப்பாக்கி ஏந்திய போலீஸ் பாதுகாப்பு அளிக்க வேண்டும் என வலியுறுத்தி டாஸ்மாக் ஊழியா்கள் சங்கத்தின்  சாா்பில் குன்னூா் வி.பி. தெருவில் ஆா்ப்பாட்டம் நடைபெற்றது.

சிஐடியூ மாவட்ட பொறுப்பாளா்  ஆல்துரை தலைமையில் நடைபெற்ற இந்த ஆா்ப்பாட்டத்தில் டாஸ்மாக் ஊழியா்கள் சங்கத்தினா் பலா் கலந்து கொண்டனா்.