பொதுத் தேர்வு: திருப்பூர் விகாஸ் வித்யாலயா சிறப்பிடம்

திருப்பூர், கூலிபாளையத்தில் இயங்கும் விகாஸ் வித்யாலயா பள்ளி பிளஸ் 2, மற்றும் பத்தாம் வகுப்பு பொதுத் தேர்வில் அதிகமான மாணவர்களை தேர்ச்சிபெற வைத்து சிறப்பிடம் பெற்றுள்ளது.
பிளஸ் 2 தேர்வில் இந்தப் பள்ளியில் ஒரு மாணவி 1,186 மதிப்பெண் பெற்றுள்ளார். அதேபோல் பத்தாம் வகுப்புத் தேர்வில் மற்றொரு மாணவி 493 மதிப்பெண்கள் பெற்றுள்ளார். இந்தப் பள்ளியில் ஏராளமான மாணவ, மாணவிகள் பிளஸ் 2 தேர்விலும், பத்தாம் வகுப்புத் தேர்விலும் 95 சதவீத மதிப்பெண்களுக்கு மேல் பெற்று தேர்ச்சி பெற்றுள்ளனர்.
வெற்றி பெற்ற மாணவர்களையும், அதற்கு காரணமான ஆசிரியர்களையும் பள்ளியின் தலைவர் ஆண்டவர் ராமசாமி பரிசளித்துப் பாராட்டியுள்ளர். நிகழ்ச்சியில், பள்ளியின் நிர்வாக அதிகாரி குருசாமி, பொருளாளர் ராதா ராமசாமி, முதல்வர் அனிதா, துணை முதல்வர் தவச்செல்வி உள்ளிட்டோர் கலந்து கொண்டனர்.