அனுமதியின்றி கிராவல் மண் எடுத்துச் சென்ற லாரி பறிமுதல்

ஊதியூா் அருகே அனுமதியின்றி கிராவல் மண் எடுத்துச் சென்ற லாரி புதன்கிழமை பறிமுதல் செய்யப்பட்டது.

குண்டடம் சாலையில் உள்ள மலைக்கன்னிமாா் கருப்பண்ணசாமி கோயில் அருகே மாவட்ட கனிம வளத் துறை அதிகாரி வெங்கடேசன் தலைமையில் புதன்கிழமை அதிகாலை வாகனச் சோதனை நடைபெற்றது. அப்போது அந்த வழியாக வந்த லாரியை நிறுத்தி சோதனை செய்ததில், உரிய அனுமதியின்றி சுமாா் 7 டன் அளவுக்கு ஓடைக்கல் மண் ஏற்றிச் செல்லப்பட்டது தெரியவந்தது.

இதையடுத்து லாரி மற்றும் அதில் இருந்த கிராவல் மண்ணை ஊதியூா் காவல் நிலையத்தில் அதிகாரிகள் ஒப்படைத்தனா். இதுகுறித்து ஊதியூா் போலீஸாா் வழக்குப் பதிவு செய்து விசாரணை நடத்தி வருகின்றனா்.