அரூரில் வழக்குரைஞர்கள் சாலை மறியல்

அரூரில் மாவட்ட உரிமையியல் நீதிபதி ஸ்ரீ தேவி இடமாற்றம் செய்யப்பட்டதை கண்டித்து வழக்குரைஞர்கள் புதன்கிழமை சாலை மறியல் போராட்டத்தில் ஈடுபட்டனர்.
கடந்த 2 வருடங்களாக அரூர் சார்பு நீதிமன்றத்தில் மாவட்ட உரிமையியல் நீதிபதியாகப் பணிபுரியும்  ஸ்ரீதேவி ராமேஸ்வரத்துக்கு இடமாற்றம் செய்யப்பட்டதைக் கண்டித்து, அரூர் சார்பு நீதிமன்ற வளாகம் எதிரில் ஆர்ப்பாட்டம் நடைபெற்றது. அதைத் தொடர்ந்து, வழக்குரைஞர்கள் அரூர்-தருமபுரி பிரதான சாலையில் மறியல் போராட்டத்தில் ஈடுபட்டனர்.
தகவல் அறிந்து வந்த காவல் துறையினரின் பேச்சு நடத்தினர். இதையடுத்து, வழக்குரைஞர்கள் மறியலை கைவிட்டனர்.