சாலை விபத்து உயிரிழப்புகள் குறைந்துள்ளன: எஸ்பி

தருமபுரி மாவட்டத்தில் சாலை விபத்துகளால் ஏற்படும் உயிரிழப்புகள் 27.7 சதவீதமாக குறைந்துள்ளது என்றார் மாவட்டக் காவல் கண்காணிப்பாளர் பண்டிகங்காதர். 
இதுகுறித்து ஞாயிற்றுக்கிழமை அவர் வெளியிட்ட செய்திக் குறிப்பு:
தருமபுரி மாவட்டத்தில் நிகழாண்டில் இதுவரை 34 கொலை வழக்குகளும், சொத்து சார்ந்த குற்ற வழக்குகள் 248-ம், மனித உடலுக்கு எதிரான குற்ற வழக்குகள் 429-ம், சிறப்பு மற்றும் உள்ளூர் சட்டங்களின் கீழ் பதியப்பட்ட வழக்குகள் 5,208, சாலை விபத்து வழக்குகள் 1,443 பதியப்பட்டுள்ளன. 
சாலை விபத்துகளால் ஏற்படும் உயிரிழப்புகள் 27.7 சதவீதமாக குறைந்துள்ளன. மேலும், குற்றங்களும் குறைந்துள்ளன. தருமபுரி மாவட்டத்தில் சட்டம் - ஒழுங்கு சீராக உள்ளது என அதில் தெரிவிக்கப்பட்டுள்ளது.