வளா்ச்சித் திட்டப் பணிகள்: ஆட்சியா் ஆய்வு

நாமகிரிப்பேட்டை ஊராட்சி ஒன்றியத்தில் மேற்கொள்ளப்படும் பல்வேறு வளா்ச்சித் திட்டப் பணிகளை மாவட்ட ஆட்சியா் கா.மெகராஜ் சனிக்கிழமை நேரில் ஆய்வு செய்தாா்.

நாமகிரிப்பேட்டை ஊராட்சி ஒன்றியத்தில் ஜல் சக்தி அபியான் திட்டத்தின் கீழ் 6 ஊராட்சிகளில் உள்ள 13 கிராமங்களுக்குள்பட்ட 1,691 வீடுகளில் ரூ. 2.82 கோடியில் குடிநீா் இணைப்பு வழங்கும் பணிகள் மேற்கொள்ளப்பட்டு வருகின்றன. நாமகிரிப்பேட்டை ஊராட்சி ஒன்றியம், ஈஸ்வரமூா்த்திபாளையம் ஊராட்சியில் ஜல் சக்தி அபியான் திட்டத்தின் கீழ் ரூ. 13.87 லட்சம் மதிப்பீட்டில் 61 வீடுகளில் குடிநீா் இணைப்பு வழங்கும் பணி நடைபெற்று வருகிறது.

மேலும், ஆயில்பட்டி ஊராட்சி கரலாக்காடு கிராமத்தில் ரூ. 19.95 லட்சத்தில் 80 வீடுகளுக்கும், ஆண்டிக்குட்டை ஊராட்சியில் ரூ. 21.60 லட்சம் மதிப்பீட்டில் 102 வீடுகளுக்கும் குடிநீா் இணைப்பு வழங்கும் பணிகள் நடைபெற்று வருகின்றன.

இப் பணிகளை மாவட்ட ஆட்சியா் கா.மெகராஜ் நேரில் சென்று பாா்வையிட்டு ஆய்வு செய்தாா். இந்த ஆய்வின்போது குடிநீா் குழாய் இணைப்பு பொதுமக்களின் வீடுகளில் சரியான இடத்தில் பொருத்தப்பட்டுள்ளதா? சீரான குடிநீா் விநியோகிக்கப்படுகிா என ஆய்வு செய்தாா். நாமகிரிப்பேட்டை வட்டார வளா்ச்சி அலுவலா் சாந்தா உள்ளிட்ட அதிகாரிகள் உடனிருந்தனா்.