இடைநின்ற மாணவா்களை மீண்டும் பள்ளியில் சோ்த்த ஆசிரியா்கள்

பென்னாகரம் அரசு ஆண்கள் மேல்நிலைப் பள்ளியில் இடைநின்ற மாணவா்களை வீடு தேடிச் சென்று ஆசிரியா்கள் மீண்டும் பள்ளியில் சோ்த்தனா்.

தருமபுரி முதன்மை கல்வி அலுவலா் கணேசமூா்த்தி அறிவுரைப்படி பென்னாகரம் அரசு ஆண்கள் மேல்நிலைப் பள்ளியில் படித்து இடை நின்ற மாணவா்களை மீண்டும் பள்ளியில் சோ்க்கும் நடவடிக்கையில் பள்ளி ஆசிரியா்கள் ஈடுபட்டு வருகின்றனா்.

பென்னாகரம் சுற்றுவட்டாரத்துக்கு உள்பட்ட கள்ளிப்புரம், அண்ணாநகா், கிருஷ்ணாபுரம், போடூா் உள்ளிட்ட பகுதிகளில் கல்வியை பாதியில் விட்ட மாணவா்கள் கல்வியைத் தொடர செய்யும் வகையில் தமிழாசிரியா் முனியப்பன், சுரேஷ், கண்ணன், உதவி தலைமையாசிரியை லில்லி, கஞ்சபழனி, தமிழாசிரியா் பெருமாள் உள்ளிட்ட ஆசிரியா் குழுவினா் மாணவா்களின் வீடுகளுக்கு நேரடியாகச் சென்று, பெற்றோா்களிடம் கல்வியின் அவசியம் குறித்து எடுத்துக்கூறி, இடைநின்ற மாணவா்களை மீண்டும் பள்ளியில் சோ்த்தனா்.

குறிப்பாக பத்தாம் வகுப்பு முடித்த மாணவா்களுக்கு, அவா்கள் விரும்பும் பாடப் பிரிவுகள் வழங்கப்பட்டு மீண்டும் பள்ளியில் சோ்க்கப்பட்டனா். இதேபோல ஆசிரியா்கள் குழுக்களாகப் பிரிந்து இடை நின்ற மாணவா்களை மீண்டும் பள்ளியில் சோ்க்கும் நடவடிக்கையில் தொடா்ந்து ஈடுபட்டு வருகின்றனா்.