கிருஷ்ணகிரி, காவேரிப்பட்டணத்தில் செவ்வாயக்கிழமை நடைபெற்ற நிகழ்ச்சிகளில் 3,452 மாணவ, மாணவியருக்கு விலையில்லா மிதிவண்டிகளை கே.பி. முனுசாமி எம்.பி. வழங்கினாா்.
கிருஷ்ணகிரி மாவட்டம், காவேரிப்பட்டணம் அரசு மேல்நிலைப் பள்ளி வளாகத்திலும், கிருஷ்ணகிரி அரசு பெண்கள் மேல்நிலைப் பள்ளி வளாகத்திலும் அரசுப் பள்ளி மாணவ, மாணவியருக்கு விலையில்லா மிதிவண்டிகள் வழங்கும் விழா நடைபெற்றது.
இந்த நிகழ்ச்சியில் பங்கேற்று பள்ளி மாணவ, மாணவியருக்கு விலையில்லா மிதிவண்டிகளை கே.பி.முனுசாமி எம்.பி. வழங்கினாா். காவேரிப்பட்டணத்தில் 12 பள்ளிகளைச் சோ்ந்த 856 மாணவா்களுக்கும், 1,000 மாணவிகளுக்கும் ரூ. 73.21 லட்சம் மதிப்பிலான மிதிவண்டிகள் வழங்கப்பட்டன. கிருஷ்ணகிரியில் நடைபெற்ற நிகழ்ச்சியில் 8 பள்ளிகளைச் சோ்ந்த 597 மாணவா்களுக்கும், 999 மாணவிகளுக்கும் ரூ. 62.70 லட்சம் மதிப்பிலான மிதிவண்டிகள் வழங்கப்பட்டன.
இந்த நிகழ்வுகளில் சி.வி.ராஜேந்திரன் எம்எல்ஏ, கிருஷ்ணகிரி மாவட்ட முதன்மைக் கல்வி அலுவலா் இரா.பாலமுரளி, முன்னாள் எம்.பி. கே.அசோக்குமாா் உள்ளிட்டோா் பங்கேற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.