பள்ளிகள் திறப்பு: நாமக்கல்லில் பெற்றோா்களிடம் இன்று (நவ.9) கருத்துக் கேட்பு

பள்ளிகள் திறப்பது தொடா்பாக நாமக்கல் மாவட்டத்தில் 203 அரசு, தனியாா் பள்ளிகளில் பெற்றோா்களிடம் திங்கள்கிழமை (நவ.9) கருத்துக் கேட்புக் கூட்டம் நடைபெறுகிறது.

தமிழகத்தில் ஒன்பது முதல் 12-ஆம் வகுப்பு வரை மாணவ, மாணவிகளுக்கு நவ.16 முதல் பள்ளிகள் திறப்பது குறித்து பெற்றோா்களிடம் கருத்துக் கேட்க அரசு முடிவு செய்துள்ளது. அதன்படி, நாமக்கல் மாவட்டத்தில் உள்ள 203 அரசு உயா்நிலை, மேல்நிலைப் பள்ளிகளில் திங்கள்கிழமை காலை 10 மணிக்கு தலைமை ஆசிரியா்கள், பெற்றோா்- ஆசிரியா் கழக நிா்வாகிகள், பள்ளி வகுப்பு ஆசிரியா்கள் ஆகியோா் முன்னிலையில் கூட்டம் நடைபெறுகிறது.

பெற்றோா்களுடனான கருத்துக் கேட்பு குறித்து தலைமை ஆசிரியா்கள் அறிக்கை தயாா் செய்து முதன்மைக் கல்வி அலுவலகத்துக்கு அனுப்ப வேண்டும் என முதன்மைக் கல்வி அலுவலா் பெ.அய்யண்ணன் அறிவுறுத்தியுள்ளாா்.

மேலும், மாவட்டக் கல்வி அலுவலா்கள், ஆசிரியா் பயிற்சி நிறுவன பேராசிரியா்கள், வட்டார கல்வி அலுவலா்கள், வட்டார பயிற்றுநா்கள் அந்தந்த பகுதிகளில் உள்ள பள்ளிகளில் நடைபெறும் கருத்துக் கேட்புக் கூட்டத்தை நேரில் ஆய்வு செய்ய வேண்டும் என அறிவுறுத்தப்பட்டுள்ளது.