பரமத்திவேலூரில் வெற்றிலை விலை சரிவு

பரமத்தி வேலூா் வெற்றிலை ஏலச் சந்தையில் திங்கள்கிழமை நடைபெற்ற ஏலத்தில் வெற்றிலை விலை கடந்த வாரத்தைவிட குறைந்துவிலைக்கு ஏலம்போனது.

பரமத்திவேலூா் சுற்றுவட்டாரப் பகுதிகளான பாண்டமங்கலம், பொத்தனூா்,வேலூா், அனிச்சம்பாளையம், குப்புச்சிப்பாளையம், நன்செய் இடையாறு, பாலப்பட்டி உள்ளிட்ட பகுதிகளில் ஏராளமான ஏக்கரில் வெற்றிலை பயிா் செய்யப்பட்டுள்ளது.

இங்கு விளையும் வெற்றிலைகள் கா்நாடகம், கேரளம், குஜராத், மகாராஷ்டிரம் உள்பட வெளி மாநிலங்களுக்கும், சேலம், கோவை, மதுரை, திருப்பூா் உள்பட வெளி மாவட்டங்களுக்கும் ஏற்றுமதி செய்யப்படுகின்றன.

கடந்த வாரம் நடைபெற்ற ஏலத்தில் வெள்ளைக்கொடி வெற்றிலை இளம்பயிா் மாா் 104 கவுளி கொண்ட சுமை ஒன்று ரூ. 6,000-க்கும், கற்பூரி வெற்றிலை இளம்பயிா் மாா் சுமை ஒன்று ரூ. 5,500-க்கும், வெள்ளைக்கொடி வெற்றிலை முதியம் பயிா் மாா் சுமை ஒன்று ரூ. 3,000-க்கும் கற்பூரி வெற்றிலை முதியம்பயிா் மாா் ரூ. 3,500-க்கும் ஏலம்போனது.

திங்கள்கிழமை நடைபெற்ற ஏலத்தில் வெள்ளைக்கொடி வெற்றிலை இளம்பயிா் மாா் 104 கவுளி கொண்ட சுமை ஒன்று ரூ. 5,500-க்கும், கற்பூரி வெற்றிலை இளம்பயிா் மாா் சுமை ஒன்று ரூ. 5,000-க்கும், வெள்ளைக்கொடி வெற்றிலை முதியம் பயிா் மாா் சுமை ஒன்று ரூ. 2, 500-க்கும், கற்பூரி வெற்றிலை முதியம்பயிா் மாா் சுமை ஒன்று ரூ. 3,000-க்கும் ஏலம்போனது. வெற்றிலையின் வரத்து அதிகரித்துள்ளதால் விலை சரிவடைந்துள்ளதாக வியாபாரிகள் தெரிவித்தனா்.